എടപ്പാള്‍ മൂതൂരില്‍ ഓടിക്കൊണ്ടിരുന്ന മാരുതി കാര്‍ കത്തി നശിച്ചു

എടപ്പാൾ:വട്ടംകുളം മൂതൂരിൽ തിരുമാണിയൂർ യൂണിയൻ ഓഫീസിന് സമീപം കാർ കത്തിനശിച്ചു.രാത്രി 11 മണിയോടെയായിരുന്നു സംഭവം.ചേകന്നൂരിലെ ക്ലിനിക്കിൽ ജോലി ചെയ്യുന്ന മഞ്ചേരി സ്വദേശി ഡോ:കാജൽ ഹക്കിൻ്റെ ഉടമസ്ഥതയിലുള്ള മാരുതി സുസുക്കിയുടെ എ-സ്റ്റാർ മോഡൽ കാറാണ് കത്തിനശിച്ചത്.എടിഎം ല്‍ നിന്ന് പണമെടുക്കാനായി പോകുന്നതിനിടെ കാറില്‍ നിന്ന് പുക ഉയരുന്നത് കണ്ട് വാഹനം ഒതുക്കി യാത്രക്കാര്‍ പുറത്തിറങ്ങുകയായിരുന്നു.പൊന്നാനിയില്‍ നിന്നെത്തിയ ഫയര്‍ഫോഴ്സും പോലീസും നാട്ടുകാരും ചേര്‍ന്ന് തീ കെടുത്തിയെങ്കിലും കാര്‍ പൂര്‍ണ്ണമായും കത്തി നശിച്ചു.ഷോര്‍ട്ട് സര്‍ക്യൂട്ട് ആണ് തീപിടുത്തത്തിന് കാരണമെന്നാണ് നിഗമനം