അവശരായ കലാകാരന്മാർക്ക് തണലേകാൻ കാരുണ്യത്തിന്റെ ബാന്റ് വാദ്യം നടത്തി ബാന്റ് വാദ്യ കൂട്ടായ്മ

ചങ്ങരംകുളം:മലപ്പുറം ജില്ലാ ബാന്റ് കൂട്ടായ്മയുടെ നാലാം വാർഷികത്തോടനുബന്ധിച്ച് അവശരായ ബാന്റ് കലാകാരന്മാരെ സഹായിക്കുന്നതിന് ഫണ്ട്‌ കണ്ടെത്തുന്നതിനായി ബാന്റ് വാദ്യം സംഘടിപ്പിച്ചു.ബാന്റ് വാദ്യ കൂട്ടായ്മയുടെ നേതൃത്വത്തിൽ 70ൽ പരം കലാകാരന്മാർ ആണ് ജില്ലയിലെ എടപ്പാൾ,വട്ടംകുളം,നടുവട്ടം,മാന്തടം,ചങ്ങരംകുളം ടൗണുകൾ കേന്ദ്രമാക്കിക്കൊണ്ട് മഹാ ബാന്റ് വാദ്യം നടത്തിയത്.വ്യക്തികളിൽ നിന്നും സ്ഥാപനങ്ങളിൽ നിന്നും ബക്കറ്റ് പിരിവോടുകൂടിയാണ് ഫണ്ട്‌ സ്വരൂപികുന്നത്.സ്വരൂപിച്ച ഫണ്ടുകൾ ഉപയോഗിച്ച് ഇതിനോടകം നൂറോളം അവശരായ കലാകാരന്മാരുടെ കുടുംബങ്ങൾക്ക് സഹായം കൈമാറിയെന്ന് സംഘാടകര്‍ പറഞ്ഞു.പ്രസിഡന്റ് നിസാർ തെക്കേക്കര,ജനറല്‍ സെക്രട്ടറി ഉണ്ണി കെ പി,ട്രഷറർ അരവിന്ദൻ (ബാബു) എന്നിവർ ഭാരവാഹികളായാണ് കൂട്ടായ്മ കമ്മിറ്റി പ്രവർത്തിച്ചുവരുന്നത്.