ചങ്ങരംകുളം:പെരുമുക്ക് ശ്രീ കാരേക്കാട്ട് ഭഗവതി ക്ഷേത്രത്തിലെ ഈ വർഷത്തെ വൃശ്ചികത്തിലെ മണ്ഡല മസാചരണത്തിൻ്റെ ഭാഗമായി ഉപദേവനായ ശ്രീ അയ്യപ്പസ്വാമിയുടെ സന്നിധിയിൽ വിവിധ ഭക്തിപരിപാടികളോടെ ആഘോഷിക്കുന്നു.
വൃശ്ചികം ഒന്നിന് ക്ഷേത്രത്തിൽ അഖണ്ഡനാമജപവും, വൃശ്ചികം നാലിന് ശ്രീ ധർമ്മശാസ്താ കർപ്പൂരാഴി സംഘത്തിന്റെ നേതൃത്വത്തിൽ കർപ്പൂരാഴിയും ഉണ്ടായിരിക്കുന്നതാണ്. വൃശ്ചികം അഞ്ചിന് ഭജനസംഘം അവതരിപ്പിക്കുന്ന ഭക്തിനിർഭരമായ ഭജനയും അരങ്ങേറും. വൃശ്ചികം ആറിന് അകമല ശ്രീ ധർമ്മ ശാസ്താ വിളക്ക് സംഘത്തിന്റെ നേതൃത്വത്തിൽ മുഴുവൻ വിളക്ക് മഹോത്സവവും, അന്നദാനവും നടക്കുന്നതാണ്.
നാടെങ്ങും ഭക്തിസാന്ദ്രമായ ഈ മണ്ഡലകാലത്തിൽ വ്രതശുദ്ധിയോടെയും ശരണഘോഷങ്ങളോടെയും ക്ഷേത്രസന്നിധിയിൽ നടക്കുന്ന പരിപാടികളിലേക്ക് എല്ലാ സ്വാമി ജനങ്ങളേയും ഭക്തജനങ്ങളെയും ക്ഷേത്രഭരണസമിതി സാദരം ക്ഷണിക്കുന്നു.









