ബിജെപി പ്രതിഷേധം സമവായം പാളി’മൂക്കുതല സ്കൂളില്‍ പിടിഎ തിരഞ്ഞെടുപ്പ് തുടങ്ങി

ചങ്ങരംകുളം:ബിജെപി പ്രതിഷേധവുമായി എത്തിയതോടെ മൂക്കുതല സ്കൂളില്‍ നടന്ന് വന്ന പിടിഎ ഭാരവാഹി തിരഞ്ഞെടുപ്പ് വോട്ടെടുപ്പിലേക്ക് നീങ്ങി.വെള്ളിയാഴ്ച കാലത്ത് മുതലാണ് മൂക്കുതല സ്കൂളില്‍ പിടിഎ തിരഞ്ഞെടുപ്പ് തുടങ്ങിയത്.കഴിഞ്ഞ വര്‍ഷം മുതല്‍ യുഡിഎഫ്, എല്‍ഡിഎഫ് മുന്നണികള്‍ സമവായത്തിലൂടെ ഭാരവാഹികളെ തിരഞ്ഞെടുക്കുന്നതായിരുന്നു.കീഴ് വഴക്കം അനുസരിച്ച് ഇത്തവണ സിപിഎം ഭാരവാഹി പ്രസിഡണ്ട് പദവിയിലെത്തും.എന്നാല്‍ ബിജെപി 3 പേരെയെങ്കിലും കമ്മിറ്റിയില്‍ ഉള്‍പ്പെടുത്തണമെന്ന ആവശ്യവുമായി എത്തിയെങ്കിലും ഇത്തവണ കഴിയില്ലെന്നും അടുത്ത തവണ ഉള്‍പ്പെടുത്താമെന്നും തിരഞ്ഞെടുപ്പ് കമ്മിറ്റി നിലപാടെടുത്തു.എന്നാല്‍ ബിജെപി പ്രതിഷേധം തുടങ്ങിയതോടെ കീഴ് വഴക്കങ്ങള്‍ മാറ്റിവെച്ച് പിടിഎ ഭാരവാഹികളെ തിരഞ്ഞെടുക്കാന്‍ വോട്ടെടുപ്പിന് തുടക്കം കുറിക്കുകയായിരുന്നു.