വീട്ടമ്മമാരുടെ പെൻഷൻ അട്ടിമറി അനുവദിക്കില്ല:കെഎസ്‌കെടിയു

എടപ്പാൾ:സാമൂഹ്യ സുരക്ഷാ പെൻഷൻ അട്ടിമറിക്കാനുള്ള ശ്രമം ഉപേക്ഷിക്കണമെന്ന് കെഎസ്‌കെടിയു എടപ്പാൾ ഏരിയ സമ്മേളനം പ്രമേയത്തിലൂടെ ആവശ്യപ്പെട്ടു. മാണൂർ മോഡേൺ ഓഡിറ്റോറിയത്തിലെ വി.എസ്. അച്യുതാനന്ദൻ നഗറിൽ നടന്ന സമ്മേളനം സംസ്ഥാന കമ്മിറ്റിയംഗം പ്രീജിത് രാജ് ഉദ്ഘാടനം ചെയ്തു.പി. വിജയൻ അധ്യക്ഷനായി.എംഎം ഉണ്ണികൃഷ്ണൻ രക്തസാക്ഷി പ്രമേയവും പി. മുരളീധരൻ അനുശോചന പ്രമേയവും അവതരിപ്പിച്ചു. എസ്. സുജിത്ത് പ്രവർത്തന റിപ്പോർട്ട് അവതരിപ്പിച്ചു. ഒ. വേലായുധൻ, സി.എസ്. പ്രസന്ന, കെ. വേലായുധൻ എന്നിവർ പ്രസീഡിയം അലങ്കരിച്ചു.കെ.പി. ശങ്കരൻ, സി. രാമകൃഷ്ണൻ, എം. മസ്തഫ, ജമീല എന്നിവർ സംസാരിച്ചു. കെ.പി. മോഹനൻ സ്വാഗതം പറഞ്ഞു.സംഘടനയിലെ മുതിർന്നവരെ ആദരിച്ചു.കെ. പ്രഭാകരൻ (പ്രസിഡന്റ്)പി.വിജയൻ (സെക്രട്ടറി)കെ. വേലായുധൻ (ട്രഷറർ) എന്നിവരെ പുതിയ ഭാരവാഹികളായി തിരഞ്ഞെടുത്തു