കുട്ടികളിൽ കാരുണ്യത്തിന്റെ പാഠങ്ങൾ പകർന്ന് സ്റ്റെം ഗ്ലോബൽ പബ്ലിക് സ്കൂൾ വിദ്യാർത്ഥികളുടെ ഓൾഡ് ഏജ് ഹോം സന്ദർശനം

​കൊള്ളന്നൂർ: കമ്മ്യൂണിറ്റി സർവീസ് ന്റെ ഭാഗമായി സ്റ്റെം ഗ്ലോബൽ പബ്ലിക് സ്കൂളിലെ പ്രൈമറി വിഭാഗം വിദ്യാർത്ഥികൾ തവനൂരിലെ ഓൾഡ് ഏജ് ഹോം സന്ദർശിച്ചു. വയോധികരോടും രോഗികളോടും ഒപ്പം കുറച്ചു സമയം ചെലവഴിച്ച കുട്ടികൾക്ക് അതൊരു വേറിട്ട അനുഭവവും സഹാനുഭൂതിയുടെയും കാരുണ്യത്തിന്റെയും ജീവനുള്ള പാഠവുമായി മാറി.
​ആകെയുണ്ടായിരുന്ന 63-ഓളം അന്തേവാസികൾക്ക് മാനേജ്‌മെന്റും, അധ്യാപകരും, കുട്ടികളും ചേർന്ന് സമാഹരിച്ച സ്നേഹോപഹാരങ്ങളും ആവശ്യസാധനങ്ങളും കൈമാറി. കുട്ടികൾക്കൊപ്പം ഡയറക്ടർമാരായ ശ്രീ.ജയദേവൻ, ശ്രീ.ജയരാജ്, ശ്രീ.ഫാസിൽ, അക്കാദമിക് കോർഡിനേറ്റർ സിത്താര, എച്ച്.എം. സാബിറ എന്നിവരും സന്ദർശനത്തിൽ സന്നിഹിതരായിരുന്നു.
​കുട്ടികളുടെ പാട്ടും ഡാൻസും വിവിധ ഗെയിമുകളും ഓൾഡ് ഏജ് ഹോമിലെ അന്തേവാസികൾക്ക് ഏറെ ആഹ്ളാദകരമായ നിമിഷങ്ങൾ സമ്മാനിച്ചു. കുട്ടികളുടെ സ്നേഹസ്പർശവും കലാപരിപാടികളും വയോജനങ്ങളുടെ മുഖത്ത് പുഞ്ചിരി വിടർത്തി. പരസ്പര സ്നേഹത്തിന്റെയും സന്തോഷത്തിന്റെയും അനുഭൂതിയോടെയാണ് കുട്ടികൾ അവിടെ നിന്നും മടങ്ങിയത്.