എടപ്പാൾ ഗ്രാമ പഞ്ചായത്ത് കേരളോത്സവം,ഫുട്ബോളിൽ യാസ്‌പോ പൊറൂക്കരയ്ക്ക് ഹാട്രിക് കിരീടം

എടപ്പാൾ ഗ്രാമ പഞ്ചായത്ത് കേരളോത്സവത്തിന്റെ ഭാഗമായി സംഘടിപ്പിച്ച ഫുട്ബോൾ ടൂർണമെന്റിൽ യാസ്‌പോ പൊറൂക്കര ജേതാക്കളായി.ആവേശകരമായ ഫൈനലിൽ BASC എടപ്പാളിനെ പെനാൽറ്റി ഷൂട്ടൗട്ടിൽ 4–3ന് പരാജയപ്പെടുത്തിയാണ് യാസ്‌പോ കിരീടം നേടിയത്.നിശ്ചിത സമയത്ത് ഇരുടീമുകളും ഓരോ ഗോൾ വീതം നേടി സമനില പാലിച്ചതോടെയാണ് മത്സരം പെനാൽറ്റി ഷൂട്ടൗട്ടിലേക്ക് നീങ്ങിയത്. ഇതോടെ തുടർച്ചയായ മൂന്നാം തവണയാണ് യാസ്‌പോ പൊറൂക്കര കിരീടം സ്വന്തമാക്കുന്നത്.മികച്ച പ്രകടനം കാഴ്ചവെച്ച BASC എടപ്പാളും ശ്രദ്ധേയമായി.