കളര്‍കോട് കാറും കെഎസ്ആര്‍ടിസി ബസും കൂട്ടിയിടിച്ച് അപകടം;അഞ്ച് മരണം

ആലപ്പുഴ കളർകോട് കെ.എസ്.ആ‍ർ.ടി.സി ബസിലേക്ക് കാർ ഇടിച്ചു കയറിയുണ്ടായ അപകടത്തിൽ അഞ്ചുപേർ മരിച്ചു. രണ്ടുപേർക്ക് ഗുരുതര പരിക്ക്. ഏഴുപേരാണ് കാറിലുണ്ടായിരുന്നത്. അപകടത്തിൽ പെട്ടവർ വണ്ടാനം മെഡിക്കൽ കോളേജ് വിദ്യാർത്ഥികൾ ആണെന്നാണ് വിവരം. കളർകോട് ജംഗ്ഷന് സമീപമാണ് അപകടം നടന്നത്. കെ.എസ്.ആർ.ടി.സി ഫാസ്റ്റ് പാസഞ്ച‌ർ ബസിലേക്ക് കാർ ഇടിച്ചുകയറുകയായിരുന്നു എന്ന് ദൃക്സാക്ഷികൾ പറഞ്ഞു. അപകടത്തിൽ കാർ‌ പൂർണമായും തകർന്നു. പരിക്കേറ്റവരെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു, കാർ വെട്ടിപ്പൊളിച്ചാണ് അപകടത്തിൽ പെട്ടവരെ പുറത്തെടുത്തത്. വൈറ്റിലയിൽ നിന്ന് കായംകുളത്തേക്ക് വന്ന കെ.എസ്.ആർ.ടി.സി ബസും ആലപ്പുഴയിലേക്ക് വന്ന കാറുമാണ് കൂട്ടിയിടിച്ചത്