ഇ ഡി റെയ്ഡിൽ രാഷ്ട്രീയ ഗൂഢാലോചന ആരോപിച്ച് സി.പി.എം എടപ്പാളിൽ പ്രതിഷേധം സംഘടിപ്പിച്ചു

എടപ്പാൾ : ഇ ഡി റെയ്ഡ് രാഷ്ട്രീയ പ്രേരിതമാണെന്നും ഇത്തരം നടപടികളിലൂടെ സി.പി.എമ്മിനെയും ഇടതുപക്ഷ പ്രസ്ഥാനങ്ങളെയും ഇല്ലാതാക്കാൻ കഴിയില്ലെന്നും ആരോപിച്ച് സി.പി.എം എടപ്പാൾ ഏരിയ കമ്മിറ്റി പ്രതിഷേധം സംഘടിപ്പിച്ചു. കോൺഗ്രസും ബി.ജെ.പി യും തമ്മിലുള്ള ഒത്തുകളിയുടെ ഭാഗമായാണ് പിണറായി വിജയനും കുടുംബത്തിനുമെതിരെ ഗൂഢാലോചന നടക്കുന്നതെന്ന് നേതാക്കൾ ആരോപിച്ചു. ടി സത്യൻ അഭിസംബോധന ചെയ്ത് സംസാരിച്ചു. സി രാമകൃഷ്ണൻ എംബി ഫൈസൽ വിവി കുഞ്ഞുമുഹമ്മദ് ഇ രാജഗോപാൽ എസ് സുജിത്ത് അജിത്ത് കാലഞ്ചാടി ഇ വി മോഹനൻ തുടങ്ങിയവർ പ്രകടനത്തിന് നേതൃത്വം നൽകി.