ചങ്ങരംകുളം:ആലംകോട് അവറാന്‍പടി കക്കിടിപ്പുറം റോഡ് തകര്‍ന്നത് ജനങ്ങള്‍ക്ക് ദുരിതമാകുന്നു.ആലംകോട് പഞ്ചായത്തിലെ ആറാം വാര്‍ഡില്‍ കക്കിടിപ്പുറം എറവക്കാട് ഭാഗത്തേക്ക് പോകുന്ന പ്രധാന കോണ്‍ഗ്രീറ്റ് റോഡാണ് തകര്‍ന്നത്.വെള്ളം പോകുന്നതിന് റോഡിന് താഴെ ഇട്ടിരുന്ന പൈപ്പ് പൊട്ടിയതാണ് റോഡ് തകരാന്‍ കാരണമായതെന്നാണ്നാട്ടുകാര്‍ പറയുന്നത്.റോഡ് തകര്‍ന്നതോടെ പ്രദേശത്തെ നിരവധി കുടുംബങ്ങള്‍ കിലോമീറ്ററുകള്‍ ചുറ്റി യാത്ര ചെയ്യേണ്ട അവസ്ഥയിലാണ്.
മഴ ശക്തിയാവുന്നതിന് മുമ്പ് റോഡ് ഗതാഗതയോഗ്യമാക്കണമെന്നാണ് നാട്ടുകാരുടെ ആവശ്യം.അശാസ്ത്രീയമായ നിര്‍മ്മാണമാണ് റോഡ് തകരാന്‍ കാരണമെന്നും അടിയന്തിരമായി റോഡ് ഗതാഗതയോഗ്യമാക്കുന്നതിനുള്ള നടപടി എടുക്കുമെന്നും പഞ്ചായത്ത് അറിയിച്ചു.
