ചങ്ങരംകുളം ജനത എ .എൽ .പി .എസ് സ്കൂളിന് ദേശീയതലത്തിൽ അഭിമാന നേട്ടം

ചങ്ങരംകുളം : തുടർച്ചയായി മൂന്നാം വർഷവും ചങ്ങരംകുളത്തിന്റെ അഭിമാനമായി മാറിയിരിക്കുകയാണ് ജനത എ .എൽ .പി .എസ് സ്കൂൾ . എറണാകുളത്ത് നടന്ന നാഷണൽ ലെവൽ ഗോൾഡൻ അബാക്കസ് പരീക്ഷയിൽ പങ്കെടുത്ത 15 വിദ്യാർത്ഥികളുമാണ് മികച്ച നേട്ടം നേടിയത് . അധ്യപിക ശാരദ ടീച്ചറുടെ പരിശീലനത്തിലാണ് മികച്ച നേട്ടം കൈവരിച്ചത് . തിരുവനന്തപുരം മുതൽ കാസർഗോഡ് വരെ ഉള്ള വിവിധ സ്കൂളുകളിൽ നിന്നായി പങ്കെടുത്ത ആയിരത്തോളം വിദ്യാർത്ഥികളിൽ നിന്നും ജനത എ .എൽ .പി .എസ് സ്കൂൾ മുന്നിലെത്തിയത് ശ്രദ്ധേയമായി.പരീക്ഷയിൽ ശിവദ്, ഹനിഗ, നൈമ തസ്നീം, അനയ് എന്നിവർ ഒന്നാം റാങ്ക് നേടി. ആധിദേവ്, ആയിഷ മെഹ്‌റിൻ, അലൻകൃഷ്ണൻ, ശ്രേയോ വി. എന്നിവർ രണ്ടാം സ്ഥാനം കരസ്ഥമാക്കി. ആര്യാനന്ദ, വൈഗ, അനീവ് എന്നിവർ മൂന്നാം സ്ഥാനവും വാസുദേവ്, ആദിനൻ, ശൈഖ, നൈസ എന്നിവർ നാലാം സ്ഥാനവും നേടി.വിദ്യാർത്ഥികളുടെ ഈ മികച്ച നേട്ടത്തിൽ സ്കൂൾ മാനേജ്മെന്റും അധ്യാപകരും രക്ഷിതാക്കളും സന്തോഷം അറിയിച്ചു. കുട്ടികളുടെ കഠിനാധ്വാനത്തിന്റെയും അധ്യാപകരുടെ പരിശീലന മികവിന്റെയും ഫലമാണ് ഈ നേട്ടമെന്ന് സ്കൂൾ അധികൃതർ വ്യക്തമാക്കി