കെ.പി.എസ്.എ സഹോദയ കലോത്സവത്തിന് എടപ്പാളിൽ തുടക്കമായി

എടപ്പാൾ: കെ.പി.എസ്.എ സഹോദയ കലോത്സവത്തിന്റെ സ്റ്റേജിതര മത്സരങ്ങൾക്ക് എം.എച്ച് സ്കൂളിൽ തുടക്കമായി. 23 വിദ്യാലയങ്ങളിൽ നിന്നായി രണ്ടായിരത്തിലധികം വിദ്യാർഥികളാണ് വിവിധ ഇനങ്ങളിൽ മാറ്റുരയ്ക്കുന്നത്.കലോത്സവത്തിന്റെ ഭാഗമായുള്ള മറ്റ് മത്സരങ്ങൾ കക്കിടിപ്പുറം സംസ്കൃതി സ്കൂളിൽ നടക്കും. ചടങ്ങിന്റെ ഉദ്ഘാടനം പ്രശസ്ത സാഹിത്യകാരൻ ആലങ്കോട് ലീലാകൃഷ്ണൻ നിർവഹിക്കും.ചടങ്ങിൽ കെ.പി.എസ്.എ സംസ്ഥാന പ്രസിഡന്റ് പി.പി. യൂസഫലി, സെക്രട്ടറി ലത്തീഫ് പാണക്കാട്, സംസ്കൃതി മാനേജർ പ്രമോദ് തലാപ്പിൽ, സഹോദയ സെക്രട്ടറി ജയൻ കമ്പ്രത്ത്, പ്രസിഡന്റ് എ.പി. അഷ്റഫ്, ട്രഷറർ രാമദാസ് എടപ്പാൾ എന്നിവരും പ്രിൻസിപ്പൽമാരായ അജീഷ് ജോസഫ്, ഗഫൂർ നാലകത്ത്, മുഹമ്മദ് ശരീഫ്, ബുഹാരി ഇർഷാദ്, അബ്ദുൽനാസർ ഗ്യാലക്സി, ഉസ്മാൻ അൽഫലാഹ്, സുകേഷ് ഡി.ആർ.എസ്, ഗിരീഷ് ബാബു, ശ്രീജിത തുടങ്ങിയവരും പങ്കെടുത്തു.