ചങ്ങരംകുളത്ത് ഹോളോബ്രിക്സ് കമ്പനിയില്‍ മോഷണം’മോഷ്ടാവ് സിസിടിവി യില്‍’പോലീസ് അന്വേഷണം തുടങ്ങി

ചങ്ങരംകുളം:ചങ്ങരംകുളത്ത് പ്രവര്‍ത്തിക്കുന്ന ഹോളോബ്രിക്സ് കമ്പനിയില്‍ മോഷണം.സംസ്ഥാന പാതയില്‍ തൃശ്ശൂര്‍ റോഡില്‍ ചിയ്യാനൂര്‍ പാടത്ത് പ്രവര്‍ത്തിക്കുന്ന കെഎസ് ബ്രിക്‌സ് & ടൈല്‍സ് എന്ന സ്ഥാപനത്തിലാണ് മോഷണം നടന്നത്.ശനിയാഴ്ച കാലത്ത് ഉടമ സ്ഥാപനം തുറക്കാനെത്തിയപ്പോഴാണ് മോഷണവിവരം അറിയുന്നത്.ഓഫീസ് റൂമും അലമാരയം പൊളിച്ച മോഷ്ടാവ് അലമാരയില്‍ 2000 രൂപ മോഷ്ടിച്ചിട്ടുണ്ട്.മോഷണത്തിന്റെ സിസിടിവി ദൃശ്യങ്ങള്‍ സംഭവ സ്ഥലത്ത് നിന്ന് ലഭിച്ചിട്ടുണ്ട്.ചങ്ങരംകുളം സ്വദേശി കുറ്റിയില്‍ ഫഹദിന്റെ ഉടമസ്ഥതയിലുള്ള സ്ഥാപനത്തിലാണ് മോഷണം നടന്നത്. ചെറിയ തുക മാത്രമാണ് നഷ്ടപ്പെട്ടെതെങ്കിലും കബോര്‍ഡും ഡോറുകളും നശിപ്പിച്ചത് വലിയ നഷ്ടമുണ്ടാക്കിയതായി ഫഹദ് പറഞ്ഞു.സംഭവത്തില്‍ ഫഹദ് നല്‍കിയ പരാതിയില്‍ ചങ്ങരംകുളം പോലീസ് കേസെടുത്ത് സിസിടിവി ദൃശ്യങ്ങള്‍ കേന്ദ്രീകരിച്ച് അന്വേഷണം ആരംഭിച്ചിട്ടുണ്ട്