“ജശ്നെ ഫലാഹ്” അൽഫലാഹ് 22മത് വാർഷികാഘോഷം സമാപിച്ചു

കക്കിടിപ്പുറം അൽഫലാഹ് ഇംഗ്ലീഷ് സ്കൂൾ ജശ്നെ ഫലാഹ് എന്ന നാമധേയത്തിൽ രണ്ടു ദിവസങ്ങളിലായി നടത്തിയ ഇരുപത്തിരണ്ടാമത് വാർഷികാഘോഷ പരിപാടികൾ സമാപിച്ചു. പരിപാടിക്ക് സ്കൂൾ ഹെഡ് ഗേൾ ആയിഷ രിഫാ സ്വാഗതം പറഞ്ഞു. സ്കൂൾ മാനേജർ മുഹമ്മദ് അഷറഫ് എം അധ്യക്ഷത വഹിച്ചു. പെരുമ്പടപ്പ് ബ്ലോക്ക് പഞ്ചായത്ത് പ്രസിഡണ്ട് റമീന ഇസ്മായിൽ പരിപാടിയുടെ ഔപചാരികമായ ഉദ്ഘാടന കർമ്മം നിർവഹിച്ചു. സ്കൂളിൻറെ കഴിഞ്ഞ ഒരു വർഷക്കാലത്തെ പ്രവർത്തനങ്ങൾ വിശദീകരിച്ചും പുതിയ വർഷത്തെ നൂതന പദ്ധതികൾ ഉൾക്കൊള്ളിച്ചു കൊണ്ടുമുള്ള വാർഷിക റിപ്പോർട്ട് സ്കൂൾ പ്രിൻസിപ്പൽ മുഹമ്മദ് ഉസ്മാൻ അവതരിപ്പിച്ചു. ആലങ്കോട് പഞ്ചായത്ത് വൈസ് പ്രസിഡണ്ട് സുബൈർ ഇദിനുപറമ്പ്, പ്രശസ്ത ഗായകരായ, മുഹമ്മദ് ഖൈസ്, മുഹമ്മദ് ഷാഹിൻ എന്നിവർ ചടങ്ങിലെ മുഖ്യാതിഥികളായി. 2026-27 അധ്യയനവർഷത്തേക്കുള്ള സ്കൂൾ ബ്രോഷർ വാർഡ് മെമ്പർ ഫാത്തിമ ലത്തീഫ് പ്രകാശനം ചെയ്തു. ട്രസ്റ്റ് സെക്രട്ടറി ഫാറൂഖ് തലാപ്പിൽ, വൈസ് പ്രിൻസിപ്പൽ പ്രിയ ടി. കെ, എം എസ് ഡിപ്പാർട്ട്മെൻ്റ് ഹെഡ് അഷ്കർ അലി, സ്കൂൾ അഡ്മിനിസ്ട്രേറ്റർ ഇബ്രാഹിം പി. എം, പ്രസിഡൻ്റ് ഷിഫ്ന വി. എച്ച് എന്നിവർ പരിപാടിയിൽ ആശംസ പ്രസംഗം നിർവഹിച്ചു. രണ്ടു ദിവസങ്ങളിലായി നടന്ന പരിപാടിയിൽ കെ. ജി, അൽബിർ കോൺവെക്കേഷൻ, കിഡ്സ് ഫെസ്റ്റ്, അവാർഡ് ദാനം, വിദ്യാർത്ഥികളുടെ വിവിധയിനം കലാപരിപാടികൾ തുടങ്ങിയ വ്യത്യസ്ത പരിപാടികൾ നടന്നു. പരിപാടിക്ക് പ്രോഗ്രാം കൺവീനർ വർഷ ബി നായർ നന്ദി പറഞ്ഞു.