സത്യസന്ധതയ്ക്ക് നൂറുമേനി; കളഞ്ഞു കിട്ടിയ പേഴ്സ് തിരികെ നൽകി മൂക്കുതല സ്കൂൾ വിദ്യാർത്ഥികൾ

ചങ്ങരംകുളം:വഴിയിൽ നിന്നും കളഞ്ഞു കിട്ടിയ പണമടങ്ങിയ പേഴ്സ് ഉടമയെ കണ്ടെത്തി തിരികെ നൽകി മാതൃകയായിരിക്കുകയാണ് മൂക്കുതല പി.സി.എൻ.ജി.എച്ച്.എസ്.എസ് ലെ വിദ്യാര്‍ത്ഥികള്‍.പത്താം ക്ളാസ് വിദ്യാര്‍ത്ഥികളായ മുഹമ്മദ്‌ നിദാൽ, ജുനൈദ് എന്നിവരാണ് സത്യസന്ധതയുടെ പുതിയ പാഠം പകർന്ന് നാടിന് അഭിമാനമായത്‌.പേഴ്സ് ലഭിച്ച ഉടൻ തന്നെ വിദ്യാർത്ഥികൾ വിവരം അധികൃതരെ അറിയിക്കുകയും ഉടമയെ കണ്ടെത്തി അത് തിരികെ ഏൽപ്പിക്കുകയുമായിരുന്നു.വിദ്യാർത്ഥികളുടെ ഈ സൽപ്രവൃത്തിയെ സ്കൂൾ അധികൃതരും നാട്ടുകാരും അഭിനന്ദിച്ചു.​മുൻ പിടിഎ പ്രസിഡന്റും നിലവിൽ നന്നംമുക്ക് ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർമാനുമായ മുസ്തഫ ചാലുപറമ്പിലിന്റെ മകനാണ് മുഹമ്മദ്‌ നിദാൽ. സ്കൂളിൽ നടന്ന ചടങ്ങിൽ വെച്ച് നന്മയുടെ കൈപിടിച്ച് നാടിന് അഭിമാനമായ വിദ്യാർത്ഥികളെ അനുമോദിച്ചു.