ആലങ്കോട് പഞ്ചായത്തിലെ പെരുമുക്ക് ഉപതെരഞ്ഞെടുപ്പിലെ എൻഡിഎ സ്ഥാനാർത്ഥിയെ പ്രഖ്യാപിച്ചു

ചങ്ങരംകുളം:ആലങ്കോട് പഞ്ചായത്തിലെ പതിനെട്ടാം വാർഡിലേക്ക് നടക്കുന്ന ഉപതെരഞ്ഞെടുപ്പിൽ മത്സരിക്കുന്ന എൻഡിഎ സ്ഥാനാർത്ഥിയെ പ്രഖ്യാപിച്ചു.ബിജെപി ചങ്ങരംകുളം മണ്ഡലംകമ്മിറ്റി നേതൃയോഗത്തിലാണ് പെരുമുക്ക് സ്വദേശി തണ്ടലായിൽ ഷിബുവിനെ ബിജെപി ജില്ലാ അധ്യക്ഷൻ രവി തേലത്ത് പ്രഖ്യാപിച്ചത്.ജീവിച്ചിരിപ്പില്ലാത്ത നിരവധി ആളുകളുടെ പേരിൽ പെൻഷൻ തുക തട്ടിയെടുത്തതിന്റെയും,അഴിമതിയുടെയും പേരിൽ യുഡിഎഫ് വാർഡ് മെമ്പർ രാജിവെച്ച് പോകേണ്ടിവന്ന കാരണത്താൽ നടക്കുന്ന ഉപതെരഞ്ഞെടുപ്പിൽ ഇടത് വലത് മുന്നണികളുടെ അഴിമതി രാഷ്ട്രീയത്തെ തുറന്നു കാണിക്കുവാനും,തുടച്ചുനീക്കുവാനും വേണ്ടി മത്സരരംഗത്ത് ശക്തമായ പ്രചരണ പരിപാടികൾക്കാണ് ബിജെപി നേതൃത്വം നൽകുന്നത്.ഭാരതീയ ജനതാ പാർട്ടി നേതൃത്വം നൽകുന്ന ദേശീയ ജനാധിപത്യ സഖ്യം എൻഡിഎ മുന്നണിക്ക് താമര ചിഹ്നത്തിൽ വോട്ട് ചെയ്ത് ഷിബു തണ്ടലായിലിനെ വിജയിപ്പിക്കണമെന്ന് ചങ്ങരംകുളം മണ്ഡലം നേതൃയോഗം ഉദ്ഘാടനം ചെയ്ത് സംസാരിച്ച ബിജെപി ജില്ലാ അധ്യക്ഷൻ രവി തേലത്ത് വോട്ടർമാരോട് അഭ്യർത്ഥിച്ചു.വരാൻ പോകുന്ന ത്രിതല ഗ്രാമപഞ്ചായത്ത് തെരഞ്ഞെടുപ്പിൽ ആലംങ്കോട് പഞ്ചായത്തിൽ വലിയ തോതിലുള്ള മുന്നേറ്റം ഉണ്ടാക്കിയെടുക്കാനുള്ള ആദ്യപടി എന്ന നിലയിലാണ് പതിനെട്ടാം വാർഡിലെ തിരഞ്ഞെടുപ്പിലൂടെ ബിജെപി ലക്ഷ്യം വയ്ക്കുന്നത്.ജനകീയ വിഷയങ്ങൾ ഉയര്‍ത്തി പിടിച്ചുകൊണ്ടുള്ള പൊതുയോഗങ്ങൾക്കും,ഗൃഹസമ്പർക്കങ്ങൾക്കും ചങ്ങരംകുളം മണ്ഡലത്തിലെ മുതിർന്ന ബിജെപി കാര്യകർത്താക്കൾ നേതൃത്വം നൽകും.മണ്ഡലം പ്രസിഡണ്ട് പ്രസാദ് പടിഞ്ഞാക്കര അധ്യക്ഷത വഹിച്ച യോഗത്തിൽ കെ കെ സുരേന്ദ്രൻജനാർദ്ദനൻ പട്ടേരിടി ഗോപാലകൃഷ്ണൻശ്രീനിവാരനാട്ട്കെ അനീഷ്കൃഷ്ണൻ പാവിട്ടപ്പുറംഉദയൻ കോട്ടയിൽമണികണ്ഠൻ പന്താവൂർബിജു മാന്തടം എന്നിവർ സംസാരിച്ചു