ആനവണ്ടിയിൽ ഹെവി വെഹിക്കിള്‍ ഓടിക്കാൻ പഠിക്കാം; എടപ്പാൾ KSRTC-യിൽ പരിശീലനം, ഫീസ് 9000 രൂപ മാത്രം

എടപ്പാള്‍: ഭാരവാഹന ലൈസന്‍സ് നേടാന്‍ ഉള്ളിലൊരു മോഹമുണ്ടോ? എടപ്പാളിലേക്കു വരുക. ആനവണ്ടിയില്‍ പരിശീലിക്കാം. വര്‍ഷങ്ങളോളം വണ്ടിയോടിച്ച് പരിചയസമ്പന്നരായ സാരഥികള്‍ അതിന്റെ രസതന്ത്രം പരിചയപ്പെടുത്തും. കൈയിലൊതുക്കേണ്ടതെങ്ങനെയെന്ന് പതുക്കെ പകര്‍ന്നുതരും. പിന്നെ വിദഗ്ധരാക്കും.ഭാരവാഹനങ്ങളുടെ (ഹെവി വെഹിക്കിള്‍സ്) ശാസ്ത്രീയമായ ഡ്രൈവിങ് പരിശീലനത്തിന് സംവിധാനമൊരുക്കുകയാണ് കെ.എസ്.ആര്‍.ടി.സി. ഫീസായി നല്‍കേണ്ടത് ഒന്‍പതിനായിരം രൂപ മാത്രം. എടപ്പാളിലുള്ള കെ.എസ്.ആര്‍.ടി.സി.യുടെ റീജണല്‍ വര്‍ക്ഷോപ്പിനു കീഴിലാണിത്. പരിശീലനത്തിനായി കെ.എസ്.ആര്‍.ടി.സി.യുടെ ഒരു മിനി ബസും ഓഫീസായി ഇവിടത്തെ കോണ്‍ഫറന്‍സ് ഹാളും സജ്ജമാക്കിയിട്ടുണ്ട്.