ജെസിഐയുടെ എസ്എസ്എൽസി വിദ്യാർത്ഥികൾക്കുള്ള ആദരം മെയ് 15ന് എടപ്പാളില്‍ നടക്കും

ചങ്ങരംകുളം:ജൂനിയർ ചേമ്പർ ഇൻറർനാഷണൽ (ജെസിഐ) ചങ്ങരംകുളം ചാപ്റ്ററിന്റെ നേതൃത്വത്തിൽ എസ്എസ്എൽസി പരീക്ഷയിൽ ഉന്നത വിജയം കരസ്ഥമാക്കിയ എടപ്പാൾ ചങ്ങരംകുളം മേഖലയിലെ വിദ്യാർത്ഥികൾക്കുള്ള ആദരം “സമുന്നതി 2025”, മെയ് 15 വ്യാഴാഴ്ച കാലത്ത് 8.30 മുതൽ എടപ്പാൾ വള്ളത്തോൾ കോളേജ് ഓഡിറ്റോറിയത്തിൽ വച്ച് നടക്കുമെന്ന് സംഘാടകർ വാര്‍ത്താസമ്മേളനത്തില്‍ അറിയിച്ചു. 8, 9, 10 എ പ്ലസുകൾ കരസ്ഥമാക്കിയ വിദ്യാർത്ഥികളെയും അധ്യാപകരെയും രക്ഷിതാക്കളെയും പ്രസ്തുത ചടങ്ങിൽ വച്ച് ആദരിക്കും.മലപ്പുറം ജില്ലാ പഞ്ചായത്ത് എടപ്പാൾ ഡിവിഷൻ മെമ്പർ അഡ്വക്കറ്റ് പി പി മോഹൻദാസ് ഉദ്ഘാടനം ചെയ്യുന്ന ചടങ്ങിൽ,ചങ്ങരംകുളം ഡിവിഷൻ ജില്ലാ പഞ്ചായത്ത് മെമ്പർ ആരിഫ നാസർ മുഖ്യാതിഥി ആയിരിക്കും.പ്രമുഖ കരിയർ ഗൈഡൻസ് വിദഗ്ധരായ യഹ്‌യ പി ആമയം, അജീഷ് വി ആർ എന്നിവർ കരിയർ ഗൈഡൻസ് ക്ലാസുകൾക്ക് നേതൃത്വം നൽകും. മുഴുവൻ എ പ്ലസ് കിട്ടിയ വിദ്യാർത്ഥികൾക്കും വിവിധ കോഴ്സുകൾക്കായുള്ള 25 ലക്ഷം രൂപയുടെ സ്കോളർഷിപ്പിന്റെ പ്രഖ്യാപനവും ചടങ്ങിൽ വച്ച് നടക്കും. സയൻസ്, കൊമേഴ്സ്,ഹ്യൂമാനിറ്റീസ് വിഷയങ്ങൾക്ക് പ്രത്യേക കൗൺസിലിങ്ങിനുള്ള സൗകര്യവും ഉണ്ടായിരിക്കും.കൂടുതൽ വിവരങ്ങൾക്കും രജിസ്ട്രേഷനും 9526204919 എന്ന നമ്പറിൽ ബന്ധപ്പെടണമെന്നും ഭാരവാഹികള്‍ അറിയിച്ചു.ജെസിഐ ചങ്ങരംകുളം പ്രസിഡൻറ് ഇലക്ട് ഷഹീൻ ഹംസ,സ്പോൺസറിങ്ങ് എൽ ഒ ചാർട്ടർ പ്രസിഡണ്ട് ഖലീൽ റഹ്മാൻ,മെമ്പർമാരായ പൂജ, സജീവ്, അജീഷ് എന്നിവർ വാര്‍ത്താസമ്മേളനത്തില്‍ പങ്കെടുത്തു.