മുണ്ടകന്‍ കര്‍ഷകര്‍ക്ക് ആശ്വാസമേകി ചിയ്യാനൂർ തോട്ടിലെ വി.സി.ബി (തടയണ ) നിർമ്മാണം തുടങ്ങി

ചങ്ങരംകുളം:ആലംകോട് പഞ്ചായത്തിൽ മുണ്ടകൻ നെൽകൃഷി ചെയ്യുന്ന പ്രധാന പാടശേഖരങ്ങളിൽ ഒന്നായ ചിയ്യാനൂർ പാടശേഖരത്തിലെ നെൽകർഷകരുടെ ചിരകാല അഭിലാശമായിരുന്ന വി.സി.ബി തടയണ നിർമാണം ആരംഭിച്ചു.മുണ്ടകൻ നെൽകൃഷിക്ക് തടസ്സം കൂടാതെ വെള്ളം ലഭ്യമാക്കാനും,പച്ചക്കറികൃഷിക്കും യഥേഷ്ടം ഇനി വെള്ളം ലഭ്യമാകും.ആലംകോട് കോട്ടയിൽ താഴം ഭാഗത്ത് നിന്ന് വരുന്ന വെള്ളം ഒഴുകി പോകാതെ തടഞ്ഞു നിർത്തി പ്രദേശത്തെ നൂറേക്കറോളം വരുന്ന ഭാഗത്തെ കൃഷിക്ക് ഉപയോഗ പ്രഥമാക്കുന്നതാണ് പ്രസ്തുത പദ്ധതി.പൊന്നാനി എം.എൽ.എ പി നന്ദകുമാർ അനുവദിച്ച 24 ലക്ഷം രൂപ ചിലവിലാണ് പ്രവർത്തി ആരംഭിക്കുന്നത്.മൈനർ ഇറിഗേഷൻ വിഭാഗത്തിനാണ് നിർമ്മാണ ചുമതല.രണ്ടു മാസത്തിനകം പ്രവർത്തി പൂർത്തിയാകും..