സാംസ്കാരിക സമിതി ഗ്രന്ഥശാല എസ്കേപ് ടവർ നോവൽ ചർച്ച ചെയ്തു

ചങ്ങരംകുളം:പന്താവൂർ സ്വദേശിയുംപ്രവാസിയുമായ പി മണികണ്ഠൻ രചിച്ച എസ്കേപ് ടവർ എന്ന നോവൽ സാംസ്കാരിക സമിതി ഗ്രന്ഥശാല ചർച്ച ചെയ്തു.163-മത് പുസ്തകചർച്ച സാംസ്കാരികപ്രവർത്തകൻ പി എസ് മനോഹരൻ ഉദ്ഘാടനം ചെയ്തു.കവി കെ വി ശശീന്ദ്രൻ അദ്ധ്യക്ഷത വഹിച്ചു.കഥാകൃത്ത് സോമൻ ചെമ്പ്രേത്ത് നോവലിനെ ആധാരമാക്കി മുഖ്യ പ്രഭാഷണം നിർവ്വഹിച്ചു.സെക്രട്ടറി പന്താവൂർ കൃഷ്ണൻ നമ്പൂതിരി സ്വാഗതം പറഞ്ഞു. പി ബി ഷീല ടീച്ചർ നോവലിസ്റ്റുമായി സംവദിച്ചു. എം വി രവീന്ദ്രൻ ഇശാലിനി വിജയൻ വാക്കേത്ത് ചിത്രാനന്ദൻ എൻ സതീശൻ നാസർ തുടങ്ങിയവർ പങ്കെടുത്തു. സി വിജയൻ നന്ദി പറഞ്ഞു.