സംസ്ഥാന പാതയില്‍ കൊരട്ടിക്കരയിൽ കാറും,സ്കൂട്ടറും കൂട്ടിയിടിച്ച് മൂന്ന് പേർക്ക് പരിക്ക്

കടവല്ലൂർ :സംസ്ഥാന പാതയിൽ കൊരട്ടിക്കരയിൽ കാറും സ്കൂട്ടറും കൂട്ടിയിടിച്ച് മൂന്ന് പേർക്ക് പരിക്കേറ്റു.ശനിയാഴ്ച ഉച്ചക്ക് 12 മണിയോടെയാണ് അപകടം.വിവാഹ ചടങ്ങിൽ പങ്കെടുക്കാൻ പോകുകയായിരുന്ന കടവല്ലൂർ സ്വദേശികളായ സ്കൂട്ടർ യാത്രക്കാരാണ് അപകടത്തില്‍ പെട്ടത്.റോഡിന്റെ ഇടത് ഭാഗത്തു നിന്ന് വിവാഹ ഹാളിലേക്ക് തിരിയുന്നതിനിടെ എതിരെ വന്ന കാർ ഇടിക്കുകയായിരുന്നു.പരിക്കേറ്റവരെ പെരുമ്പിലാവിലെ സ്വകാര്യ ആശുപത്രിയിൽ പ്രവേശിപ്പിച്ചു.കാലിനു ഗുരുതരമായി പരിക്കേറ്റ ഒരാളെ തൃശൂരിലേക്ക് കൊണ്ട് പോയി.