കേരള ജേണലിസ്റ്റ് യൂണിയൻ ചങ്ങരംകുളം മേഖല കമ്മിറ്റി രൂപീകരണവും ഐഡി കാർഡ് വിതരണവും നടത്തി

ചങ്ങരംകുളം : രണ്ട് പതിറ്റാണ്ട് കാലമായി കേരളത്തിൽ സജീവമായി പ്രവർത്തിച്ചുകൊണ്ടിരിക്കുന്ന കേരള ജേർണലിസ്റ്റ് യൂണിയൻ ചങ്ങരംകുളം മേഖലാ കമ്മിറ്റി രൂപീകരണവും ഐഡി കാർഡ് വിതരണവും നടത്തി. മുതിർന്ന മാധ്യമപ്രവർത്തകൻ റസാഖ് അരിക്കാട് അധ്യക്ഷതവഹിച്ചു. കെ ജെ യു ജില്ലാ സെക്രട്ടറി കാർത്തിക് കൃഷ്ണ ഉദ്ഘാടനം ചെയ്തു. വി പി അബ്ദുൽ ഖാദർ, സുധീർ പള്ളിക്കര,റാഷിദ് നെച്ചിക്കൽ,റാഫി തങ്ങൾ, പ്രസന്നൻ കല്ലുർമ,ഫാരിസ് പാവിട്ടപ്പുറം എന്നിവർ സംസാരിച്ചു. കഴിഞ്ഞദിവസം മരണപ്പെട്ട പ്രമുഖ മാധ്യമപ്രവർത്തകനും കുറ്റിപ്പുറം മാതൃഭൂമി ലേഖകനുമായിരുന്ന സുരേഷ് ഇ നായരുടെ നിര്യാണത്തിൽ യോഗം അനുശോചനം രേഖപ്പെടുത്തി.പ്രസ്സ് കാർഡ് വിതരണം ജില്ലാ സെക്രട്ടറി കാർത്തിക് കൃഷ്ണ മുതിർന്ന മാധ്യമപ്രവർത്തകൻ റസാക്ക് അരിക്കാടിന് നൽകിക്കൊണ്ട് ഉദ്ഘാടനം ചെയ്തു. വി പി അബ്ദുൽ ഖാദർ സ്വാഗതവും, സുധീർ പള്ളിക്കര നന്ദിയും പറഞ്ഞു