ബാലാവകാശ നിയമം പുനഃപരിശോധിക്കണം – സിദ്ദീഖ് മൗലവി അയിലക്കാട്

പൊന്നാനി: കുട്ടിക്കുറ്റവാളികളുടെ അതിക്രമങ്ങൾ ക്രമാതീതമായി വർദ്ധിച്ചു വരുന്ന സാഹചര്യത്തിൽ ജുവനൈൽ ആക്ട് പുനഃപരിശോധിച്ച് പഴുതടച്ച നിയമനിർമ്മാണങ്ങൾക്ക് ബന്ധപ്പെട്ടവർ മുന്നോട്ട് വരണമെന്ന് കേരള പ്രൊഹിബിഷൻ കൗൺസിൽ സംസ്ഥാന ഉപാധ്യക്ഷൻ സിദ്ദീഖ് മൗലവി അയിലക്കാട് അഭിപ്രായപ്പെട്ടു.സൂഫി പണ്ഡിതന്മാരായിരുന്ന എരമംഗലം ശൈഖുമാരുടെ അനുസ്മരണ സംഗമത്തിൽ പ്രസംഗിക്കുകയായിരുന്നു അദ്ദേഹം.മഹല്ല് പ്രസിഡന്റ് ടി.എം. അബൂബക്കർ ഹാജി അധ്യക്ഷത വഹിച്ചു. മുത്തനൂർ തങ്ങൾ, സീതിക്കോയ തങ്ങൾ, സയ്യിദ് ഫസൽ തങ്ങൾ, വെളിയങ്കോട് ഖാസി ഹംസ സഖാഫി, കെ.എം. മുഹമ്മദ് കാസിം കോയ, യൂസുഫ് ബാഖവി, ഗസാലി ഉസ്താദ്, നദ്‌വി ഉസ്താദ് എന്നിവർ പ്രസംഗിച്ചു.