ചങ്ങരംകുളത്ത് യുവാവിനെ അക്രമിച്ച് കാറും മൊബൈലും കവര്‍ന്ന സംഭവം’ഒരാള്‍ കൂടി പിടിയില്‍,കവര്‍ച്ച ചെയ്ത കാര്‍ തമിഴ്നാട്ടില്‍ നിന്ന് കണ്ടു ‘പ്രധാന പ്രതിക്കായി അന്വേഷണം

ചങ്ങരംകുളം:യുവാവിനെ അക്രമിച്ച് കാറും മൊബൈലും കവര്‍ന്ന സംഭവത്തില്‍ ‘ഒരാള്‍ കൂടി പിടിയിലായി.വയനാട് മേപ്പാടി കൂനത്തില്‍ മിജ് വാദ്(24)ആണ് അറസ്റ്റിലായത്..കേസിലെ മറ്റൊരു പ്രതിയായ ചങ്ങരംകുളം പള്ളിക്കര സ്വദേശി ഷെഹീന്‍ കഴിഞ്ഞ ദിവസം അറസ്റ്റിലായിരുന്നു.ഒളിവില്‍ പോയ മിജ് വാദിനെ വയനാട്ടിലെ അരപ്പറ്റയില്‍ നിന്നാണ് വയനാട് പോലീസിന്റെ സഹായത്തോടെ ചങ്ങരംകുളം എസ്ഐ ജിതിന്‍ വാസിന്റെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്.ആലംകോട് സ്വദേശിയായ പ്രധാന പ്രതിക്കായി അന്വേഷണം തുടരുകയാണെന്ന് അന്വേഷണ ഉദ്ധ്യോഗസ്ഥര്‍ പറഞ്ഞു.ചങ്ങരംകുളം തൃശ്ശൂര്‍ റോഡിലെ സ്വകാര്യ കെട്ടിടത്തില്‍ വെച്ചാണ് ചങ്ങരംകുളം സ്വദേശിയായ യുവാവിനെ ക്രൂരമായി അക്രമിച്ച് കാറും മൊബൈല്‍ ഫോണും കവര്‍ച്ച ചെയ്ത് സംഘം രക്ഷപ്പെട്ടത്.ലഹരി ഇടപാടുകള്‍ സംബന്ധിച്ചുണ്ടായ തര്‍ക്കമാണ് അക്രമത്തിലും കവര്‍ച്ചയിലും കലാശിച്ചതെന്നാണ് അന്വേഷണ സംഘത്തിന് ലഭിച്ച വിവരം.സംഭവത്തില്‍ ജാമ്യം ലഭിക്കാത്ത വകുപ്പ് ചുമത്തിയാണ് പ്രതികള്‍ക്കെതിരെ ചങ്ങരംകുളം പോലീസ് കേസെടുത്തിരിക്കുന്നത്.പിടിയിലായ പ്രതികളെ കോടതിയില്‍ ഹാജറാക്കി റിമാന്റ് ചെയ്തു