ഒക്ടോബർ ആറിന് ദേശീയ ടീമിൽ നിന്ന് ലയണൽ മെസ്സി വിരമിച്ചതോടെ ആ ഇതിഹാസ 10-ാം നമ്പർ ആര് അണിയും എന്നതിൽ ഇന്നും ഫുട്ബോൾ ലോകത്ത് ചർച്ചകൾ സജീവമാണ്. നിക്കോ പാസ് അടക്കമുള്ളവരുടെ പേരുകളാണ് പ്രധാനമായും ഉയരുന്നത്. നവംബറിൽ വരാനിരിക്കുന്ന അന്താരാഷ്ട്ര സൗഹൃദ മത്സരങ്ങളിൽ ആ പത്താം നമ്പറിനായി കാത്ത് നിൽക്കുകയാണ് ആരാധകർ
എന്നാൽ നവംബറിൽ വരാനിരിക്കുന്ന രണ്ട് സൗഹൃദ മത്സരങ്ങളിൽ അർജൻ്റീന ടീമിൽ 10-ാം നമ്പർ അണിഞ്ഞ് ആരും കളിക്കില്ല എന്ന് അറിയിച്ചിരിക്കുകയാണ് മുഖ്യ പരിശീലകൻ ലയണൽ സ്കലോനി. മെസ്സിക്കുള്ള ആദരസൂചകമായി നവംബർ 14-ന് ബ്യൂണസ് അയേഴ്സിലെ ഉറുഗ്വേയ്‌ക്കെതിരെയും, നവംബർ 17-ന് കോസ്റ്റാറിക്കയ്‌ക്കെതിരെയും മത്സരങ്ങളിൽ ആ ഐക്കോണിക്ക് നമ്പർ ഉണ്ടാകില്ല ഇതോടെ ഉറപ്പായി. അന്താരാഷ്ട്ര സൗഹൃദ മത്സരങ്ങളിൽ 1 മുതൽ 11 വരെയുള്ള നമ്പറുകൾ കളിക്കാർക്ക് നൽകണമെന്ന് നിർബന്ധമില്ല എന്ന നിയമമാണ് ഇതിന് തുണയായത്.
എന്നാൽ 2027 മാർച്ചിൽ ആരംഭിക്കുന്ന ദക്ഷിണ അമേരിക്കൻ ലോകകപ്പ് യോഗ്യതാ മത്സരങ്ങൾ പുനരാരംഭിക്കുമ്പോൾ ആ ജെഴ്‌സിക്ക് ഒരു പിൻഗാമി ഉണ്ടായിരിക്കും.നിക്കോ പാസിൻ്റെ പേരിൻ്റെ കൂടെ അലക്സിസ് മാക് അലിസ്റ്റർ, എൻസോ ഫെർണാണ്ടസ്, ഫ്രാങ്കോ മസ്‌റ്റാൻതുവാനോ എന്നിവരുടെ പേരുകളും ഉയരുന്നുണ്ട്.
