ചങ്ങരംകുളം: കേരള എ ടെയ്‌ലേഴ്‌സ് അസോസിയേഷൻ (എ കെ ടി എ) എടപ്പാൾ ഏരിയ ആലംകോട് യൂണിറ്റ് കൺവെൻഷൻ ചിയ്യാനൂർ ജി എൽ പി സ്കൂളിൽ വെച്ച് സംഘടിപ്പിച്ചു.യൂണിറ്റ് പ്രസിഡന്റ് കെ. പി. അശോകന്റെ അധ്യക്ഷതയിൽ ചേർന്ന യോഗം ജില്ലാ പ്രസിഡന്റ് എ. രാമകൃഷ്ണൻ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് സി. വി. ചന്ദ്രിക സംഘടന റിപ്പോർട്ടും, യൂണിറ്റ് സെക്രട്ടറി കെ. പി. രാജി പ്രവർത്തന റിപ്പോർട്ടും, യൂണിറ്റ് ട്രഷറർ വി. പി. അബ്ദുൽ ഖാദർ വരവ് ചിലവ് കണക്കുകളും അവതരിപ്പിച്ചു.
ഏരിയ പ്രസിഡന്റ് എം. വി. നാസർ, ഏരിയ ട്രഷറർ സി. വി. ബിന്ദു, ഏരിയ കമ്മിറ്റി അംഗങ്ങളായ കെ. ടി. പത്മജ, വിജയൻ, പ്രീത്, റഷീദ്, സിദ്ധീഖ്, റംല, സുശീല, ദീപ എന്നിവർ ചടങ്ങിൽ സംസാരിച്ചു.യൂണിറ്റ് കമ്മിറ്റി അംഗം പ്രസന്ന സ്വാഗതവും സുലജ നന്ദിയും രേഖപ്പെടുത്തി.
