കാലോചിതമായ മാറ്റങ്ങൾ ഉൾക്കൊള്ളുന്ന പാഠ്യ പദ്ധതികൾക്ക് മാത്രമേ നിലനിൽക്കാൻ സാധിക്കുകയുള്ളൂ:അഡ്വക്കറ്റ് പി കെ കലീമുദ്ദീൻ

ചങ്ങരംകുളം:ദ്രുതഗതിയിൽ വളർന്നുകൊണ്ടിരിക്കുകയും അതനുസരിച്ച് ലോകക്രമം മാറിക്കൊണ്ടിരിക്കുകയും ചെയ്യുന്ന ലോകക്രമത്തെ ഉൾക്കൊള്ളുവാനും അതനുസരിച്ച് തലമുറയെ രൂപപ്പെടുത്തുന്നതിന് വേണ്ട പ്രയത്നങ്ങൾ ഉണ്ടാകണമെന്നും അത്തരം പരിശ്രമങ്ങളിലൂടെ രൂപപ്പെടുത്തുന്ന പാഠ്യക്രമത്തിനു മാത്രമേ നിലനിൽക്കാൻ സാധിക്കുകയുള്ളൂ എന്ന് കാലിക്കറ്റ് യൂണിവേഴ്സിറ്റി സിൻഡിക്കേറ്റ് മെമ്പർ അഡ്വക്കറ്റ് പി കെ കലീമുദ്ദീൻ പറഞ്ഞു.ട്രസ്റ്റിന്റെ കീഴിൽ പ്രവർത്തിക്കുന്ന സ്ഥാപനങ്ങളുടെ ജീവനക്കാരുടെ സംഗമം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.ഡിസംബർ 27 28 29 തീയതികളിൽ നടക്കുന്ന അസ്സബാഹ് അറബിക് കോളേജിന്റെ സുവർണ്ണ ജൂബിലി ആഘോഷത്തോടനുബന്ധിച്ച് നടന്ന സംഗമം പരിപാടിയിൽ വി.മുഹമ്മദുണ്ണി ഹാജി അധ്യക്ഷത വഹിച്ചു,അൻസാർ ട്രെയിനിങ് കോളേജ് പ്രിൻസിപ്പൽ ഡോക്ടർ മഹ്മൂദ് ശിഹാബ്,ലാംഗ്വേജ് അക്കാദമി പ്രിൻസിപ്പൽ ഡോക്ടർ അബ്ദുൽ ഹസീബ് മദനി,പി.പി.എം.അഷറഫ്, കുഞ്ഞിമുഹമ്മദ് പന്താവൂർ, പ്രൊഫസർ എം എൻ.മുഹമ്മദ് കോയ, അബ്ദുൽ റഷീദ്, വില്ലിങ്ടൺ, പി ഐ മുജീബ്റഹ്മാൻാൻ തുടങ്ങിയവർ പ്രസംഗിച്ചു,