ചങ്ങരംകുളം: കേരള മാപ്പിള കലാ അക്കാദമി (KMKA) ചങ്ങരംകുളം ചാപ്റ്ററിന്റെ ആഭിമുഖ്യത്തിൽ കോഴിക്കോട് (ഔക്കു ഭായ്) അബൂബക്കർ അനുസ്മരണവും ഇശൽ നൈറ്റും സംഘടിപ്പിച്ചു. ചങ്ങരംകുളം അയിനിച്ചോട് നെസിക്കോ ഓഡിറ്റോറിയത്തിൽ വെച്ച് നടന്ന ചടങ്ങിൽ അക്കാദമി പ്രസിഡണ്ട് സിദ്ദിഖ് ചെറുവല്ലൂർ അദ്ധ്യക്ഷത വഹിച്ചു. ഇശൽ നൈറ്റ്‌ വേദി നന്നമ്മുക്ക് ഗ്രാമപഞ്ചായത്ത്‌ പ്രസിഡണ്ട് ശാന്തിനി രവീന്ദ്രൻ ഉദ്ഘാടനം ചെയ്തു.
ഇശലുകളുടെ സുൽത്താൻ എന്നറിയപ്പെടുന്ന കോഴിക്കോട് അബൂബക്കറിന്റെ അനുസ്മരണ പ്രഭാഷണം ഉസ്താദ് അഷ്‌റഫ്‌ പാലപ്പെട്ടി നിർവ്വഹിച്ചു.ചടങ്ങിൽ ആരോഗ്യ-വിദ്യാഭ്യാസ സ്ഥിരം സമിതി അധ്യക്ഷൻ മുസ്തഫ സി.പി, KMKA ചങ്ങരംകുളം രക്ഷാധികാരി താഹിർ ഇസ്മായിൽ, നന്നമ്മുക്ക് ഗ്രാമപഞ്ചായത്ത്‌ മെമ്പർ O.P. റഫീഖ്, KMKA ജില്ലാ ഓർഗനൈസിങ് സെക്രട്ടറി ഷെരീഫ് കൂട്ടായി, ചങ്ങരംകുളം വ്യാപാരി വ്യവസായി പ്രസിഡണ്ട് P.P. ഖാലിദ്, KMKA പൊന്നാനി ചാപ്റ്റർ സെക്രട്ടറി മുജീബ് റഹ്മാൻ, റസാക്ക് അരിക്കാട് എന്നിവർ ആശംസകൾ അർപ്പിച്ചു സംസാരിച്ചു.
KMKA ചങ്ങരംകുളം ചാപ്റ്റർ സെക്രട്ടറി ഖാദർഷാ പുത്തൂർ സ്വാഗതവും മുത്തു പുന്നക്കൽ നന്ദിയും രേഖപ്പെടുത്തി. അബ്ദുള്ള പെരുമ്പാൾ, K.V. റഷീദ് മൈക്രോ, റഷീദ് നെച്ചിക്കൽ, അലി അയിനിച്ചോട്, ജാഫർ പെരുമ്പാൾ തുടങ്ങിയവർ പരിപാടികൾക്ക് നേതൃത്വം നൽകി.
