മാറഞ്ചേരി: പെരുമ്പടപ്പ് ബ്ലോക്ക് പഞ്ചായത്തിന് കീഴിൽ മാറഞ്ചേരി പെരിച്ചകത്ത് പ്രവർത്തിക്കുന്ന ഡയാലിസിസ് യൂണിറ്റിന്റെ പ്രവർത്തനങ്ങൾക്കായി കേരള വ്യാപാരി വ്യവസായി ഏകോപന സമിതി മാറഞ്ചേരി യൂണിറ്റ് സമാഹരിച്ച തുക കൈമാറി.പെരിച്ചകം ഡയാലിസിസ് സെന്ററിൽ വച്ച് നടന്ന ചടങ്ങിൽ വ്യാപാരി വ്യവസായി ഏകോപന സമിതി മാറഞ്ചേരി യൂണിറ്റ് പ്രസിഡന്റ് അഷ്റഫ് വീട്ടിലയിൽ നിന്ന് പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് റമീന ഇസ്മായിൽ തുക ഏറ്റുവാങ്ങി.
ചടങ്ങിൽ ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഹസീബ് കോക്കൂർ, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ സംഗീത രാജൻ, വ്യാപാരി വ്യവസായി ഏകോപന സമിതി യൂണിറ്റ് സെക്രട്ടറി രമേശ് അമ്പാരത്ത്, ട്രഷറർ എ. ഇസ്മായിൽ, വനിതാ വിംഗ് പ്രസിഡന്റ് ആരിഫ കുഞ്ഞുമുഹമ്മദ്, യൂത്ത് വിംഗ് പ്രസിഡന്റ് ശരീഫ് സലാല, സെക്രട്ടറിമാരായ സലാം പൂങ്ങാടൻ, കബീർ ഫിദ, സഫീർ പൂളക്കൽ തുടങ്ങിയവർ പങ്കെടുത്തു.
