മലപ്പുറം: ബാംഗളൂരുവില് നിന്ന് കാണാതായ മലപ്പുറം താനൂർ സ്വദേശി ഇംതിയാസിനെ കണ്ടെത്തി. നാഗ്പൂരിൽ നിന്ന് 16 കിലോമീറ്റർ അകലെയുള്ള അപ്പാർട്ട്മെന്റിൽ നിന്നാണ് ഇംതിയാസിനെ കണ്ടെത്തിയത്. ഇന്ന് വൈകിട്ട് 11 മണിക്കുള്ള വിമാനത്തിൽ സംഘം കേരളത്തിലേക്ക് തിരിക്കും. താനൂർ പൊലീസ് സംഘം നാഗ്പൂരിലെത്തി അന്വേഷിച്ചാണ് ഇംതിയാസിനെ കണ്ടെത്തിയത്.
ഇക്കഴിഞ്ഞ ഏഴിന് ബെംഗളൂരുവിൽ എത്തിയതിനുശേഷമാണ് ഇംതിയാസിനെ കാണാതായത്. നഴ്സിംഗ് പഠനം പൂർത്തിയാക്കി സർട്ടിഫിക്കറ്റ് വാങ്ങിക്കാനാണ് യുവാവ് ബെംഗളൂരുവിൽ പോയത്. ബാംഗ്ലൂരിൽ എത്തിയ ഉടൻ വീട്ടുകാരെ ബന്ധപ്പെട്ടിരുന്നു. പിന്നീട് യാതൊരു വിവരവും ലഭിച്ചിരുന്നില്ല. തുടർന്ന് കുടുംബം പൊലീസിൽ പരാതി നൽകുകയായിരുന്നു. നിലവിൽ താനൂർ പൊലീസാണ് ബാംഗ്ലൂരിലെത്തി അന്വേഷണം നടത്തിയത്.
