എടപ്പാൾ: കുട്ടികളിൽ അച്ചടക്കവും സേവന മനോഭാവവും വളർത്തുകയെന്ന ലക്ഷ്യത്തോടെ ചേകന്നൂർ എ.ജെ.ബി. സ്കൂളിൽ പുതുതായി രൂപീകരിച്ച ബുൾബുൾ യൂണിറ്റിന്റെ ഉദ്ഘാടനവും അംഗങ്ങൾക്കുള്ള സർട്ടിഫിക്കറ്റ് വിതരണവും സംഘടിപ്പിച്ചു. ജില്ലാ വിദ്യാഭ്യാസ ഓഫീസർ കെ. ശ്രീജ ഉദ്ഘാടനം നിർവഹിച്ചു.ബുൾബുൾ പ്രസ്ഥാനം കുട്ടികളുടെ ഭാവി ജീവിതത്തിന് ശക്തമായ അടിത്തറ പാകുന്നതാണെന്നും സത്യം, സഹായം, സന്തോഷം എന്നീ മൂന്ന് തത്വങ്ങളിലൂടെ നല്ല പൗരന്മാരായി വളരാൻ കുട്ടികൾക്ക് ഈ പ്രസ്ഥാനം അവസരമൊരുക്കുമെന്നും ജില്ലാ വിദ്യാഭ്യാസ ഓഫീസർ ഉദ്ഘാടന പ്രസംഗത്തിൽ പറഞ്ഞു.
വട്ടംകുളം ഗ്രാമപഞ്ചായത്ത് അംഗം വി.വി.എം. മുസ്തഫ അധ്യക്ഷത വഹിച്ചു. സ്കൗട്ട് സംസ്ഥാന കമ്മിഷണർ ജലീൽ വൈരങ്കോട് മുഖ്യാതിഥിയായി പങ്കെടുത്തു.സ്കൂൾ ട്രസ്റ്റ് ചെയർമാൻ ബഷീർ കക്കിടിക്കൽ,പ്രധാനാധ്യാപിക സതി സിപി,ടിപി. അനിൽ, ഷബീർ മാണൂർ, സുഹറ മുതൂർ, ഗൈഡ് അഡൾട്ട് റിസോഴ്സ് കമ്മിഷണർ വത്സല സി. കക്കിടിപ്പുറം, മഹേശ്വരി സി. കെ., ജ്യോതി കൃഷ്ണ, സി. വി. ഫൈസൽ എന്നിവർ സംസാരിച്ചു.പ്രേമകുമാരി എ.പി.ആകാശ് കുറ്റിപ്പാല, നീതു തുയ്യം,ആലിയത്ത് ആനക്കര, ഷറഫിയ പൊട്ടൂർ, ഉനൈസ ചേകന്നൂർ, സീമ പി.അഹല്യ,മുഹ്സിന,റഹീന,അഖില,സുലൈഖ എന്നിവർ പരിപാടികൾക്ക് നേതൃത്വം നൽകി.
