കാരേക്കാട്ട് ഭഗവതി ക്ഷേത്രത്തിൽ നവരാത്രി ആഘോഷങ്ങളുടെ ഭാഗമായി വിവിധ പൂജകളും,നാമജപവും,കലാപരിപാടികളും നടന്നു

ചങ്ങരംകുളം:പെരുമുക്ക് ശ്രീ കാരേക്കാട്ട് ഭഗവതി ക്ഷേത്രത്തിൽ നവരാത്രി ആഘോഷങ്ങളുടെ ഭാഗമായി വിവിധ പൂജകളും,നാമജപവും,കലാപരിപാടികളും നടന്നു.മഹാനവമി ദിനത്തിൽ ക്ഷേത്രത്തിൽ കുചേലവൃത്തം കഥകളി അവതരിപ്പിച്ചു.ക്ഷേത്രം മേൽശാന്തി ഏഴിക്കോടില്ലം പരമേശ്വരൻ ഇളയതിന്റെ നേതൃത്വത്തിൽ പുസ്തകപൂജ,വാഹനപൂജ എന്നിവയും തുടർന്ന് കുരുന്നുകൾക്ക് ആദ്യാക്ഷരം കുറിക്കുന്നതിനുള്ള വിദ്യാരംഭച്ചടങ്ങും സംഘടിപ്പിച്ചു.കുട്ടികളുടെ വിദ്യാഭ്യാസ പുരോഗതിക്കും വിദ്യാവിജയത്തിനുമായി വിദ്യാഗോപാല മന്ത്രാർച്ചനയും നടത്തി.