ചങ്ങരംകുളം ലയൺസ് ക്ലബ്ബിന്റെ നേതൃത്വത്തിൽ ഡോക്ടേഴ്സ് ഡേയും വിവിധ സേവനപ്രവർത്തനങ്ങളും സംഘടിപ്പിച്ചു.പരിപാടിയുടെ ഭാഗമായി ചങ്ങരംകുളം മേഖലയിലെ ജനസേവനത്തിൽ സജീവമായി പ്രവർത്തിച്ചു വരുന്നതുമായ പ്രമുഖ ഡോക്ടർമാരെ ആദരിച്ചു.ചങ്ങരംകുളത്തെ പഴയകാല ഡോക്ടര് പവിത്രനെയും വർഷങ്ങളായി ജനങ്ങൾക്ക് മികച്ച സേവനം നല്കുന്ന രാംകുമാറിനെയും വീട്ടിലെത്തിയാണ് ആദരവ് നല്കിയത്
എടപ്പാൽ ആശുപത്രിയിലെ പ്രശസ്ത ന്യൂറോ സ്പെഷ്യലിസ്റ്റ്
ഡോ.രോഹിത്ത് ശശിധരനെയും അദ്ദേഹത്തിന്റെ മികച്ച സേവനങ്ങൾ പരിഗണിച്ച് പൊന്നാട അണിയിച്ച് ആദരിച്ചു.
തുടർന്ന് ക്ലബ്ബിന്റെ ഹംഗർ പ്രോജക്ടിന്റെ ഭാഗമായി കുറ്റിപ്പുറത്ത് നിന്ന് തവനൂർ ഭാഗത്തേക്ക് സേവനം നടത്തുന്ന നിർഭയ സ്ഥാപനത്തിന് 20 ഭക്ഷ്യപൊതികൾ കൈമാറി.ബിരിയാണി, നാടൻ സദ്യ എന്നിവ ഉൾപ്പെടെയുള്ള ഭക്ഷണപ്പൊതികളാണ് വിതരണം ചെയ്തത്.
പരിസ്ഥിതി സംരക്ഷണത്തിന്റെ ഭാഗമായി ചങ്ങരങ്ങുളം പോലീസ് സ്റ്റേഷൻ,മുക്കുതല ഗവൺമെന്റ് സ്കൂൾ,ചങ്ങരംകുളം സംസ്ഥാനപാതയോരം എന്നിവിടങ്ങളിൽ വൃക്ഷത്തൈകൾ നട്ടു.ചടങ്ങില് അംഗങ്ങൾക്ക് വൃക്ഷത്തൈകൾ വിതരണം ചെയ്യുകയും ചെയ്തു.
ക്ലബ്ബ് പ്രസിഡന്റ് ചന്ദ്രനന്ദൻ, സെക്രട്ടറി ജനാർദ്ദനൻ പട്ടേരി,ട്രഷറർ ഉമ്മർ കുളങ്ങര,മലപ്പുറം ജില്ലാ യൂത്ത് കോ-ഓർഡിനേറ്ററും അടുത്ത വർഷത്തെ പ്രസിഡന്റുമായ ദിലീപ് ചങ്ങരങ്ങുളം,നൗഷാദ് ഖാലിദ്,ശിബു വിവി,ബഷീർ സ്റ്റൈലോ,മൊയ്തു,റജീബ്,റഫീഖ് എന്നിവരുള്പ്പെടെ നിരവധി ലയൺസ് അംഗങ്ങൾ പങ്കെടുത്തു.
