ആലങ്കോട് ഗ്രാമപഞ്ചായത്ത് കേരളോത്സവം’വിവിധ മത്സരങ്ങളിൽ മിന്നും പ്രകടനം

ചങ്ങരംകുളം:ആലങ്കോട് ഗ്രാമപഞ്ചായത്ത് കേരളോത്സവത്തിന്റെ ഭാഗമായി സംഘടിപ്പിച്ച കായിക മത്സരങ്ങളിൽ മികച്ച പ്രകടനവുമായി താരങ്ങള്‍.പഞ്ചഗുസ്തി , ചെസ്സ് , ക്രിക്കറ്റ്,വോളിബോൾ, നീന്തൽ, ഷട്ടിൽ ബാഡ്മിന്റൺ തുടങ്ങിയ ഇനങ്ങളിലാണ് മികച്ച മത്സരം നടന്നത്.നീന്തൽ മത്സരം പള്ളികുന്ന് പുത്തൻകുളത്തിലും, വോളിബോൾ മത്സരം യുവ പ്രതിഭ ഫെഡ്ലൈറ്റ് ഗ്രൗണ്ടിലും, ക്രിക്കറ്റ് മത്സരം എൻ.സി.സി പാവിട്ടപ്പുറം ഗ്രൗണ്ടിലും, ചെസ്സ് മത്സരം ആലംകോട് അട്ടേക്കുന്ന് സ്കൂളിലും,പഞ്ചഗുസ്തി സിയോൺ ഫിറ്റ്നസ് ക്ലബ്ബിലും,ബാഡ്മിന്റൺ മത്സരങ്ങൾ ചങ്ങരംകുളം പ്ലേ സിറ്റിയിലും നടന്നു.കേരളോത്സവത്തിന്റെ ഭാഗമായി നടന്ന വിവിധ മത്സരങ്ങൾ ആലങ്കോട് ഗ്രാമപഞ്ചായത്തിലെ യുവജനങ്ങളുടെ കായിക മികവിനും കൂട്ടായ്മയ്ക്കും മികച്ച വേദിയായി മാറി. വിവിധ ക്ലബ്ബുകളുടെയും കായിക സംഘടനകളുടെയും സഹകരണത്തോടെ നടന്ന മത്സരങ്ങളിൽ മികച്ച പങ്കാളിത്തമാണ് ഉണ്ടായത്. വിവിധ ഇനങ്ങളിൽ മികച്ച പ്രകടനം കാഴ്ചവെച്ച താരങ്ങൾക്കും ടീമുകൾക്കും സംഘാടകർ അഭിനന്ദനം അറിയിച്ചു.ഫുട്ബോൾ മത്സരങ്ങള്‍ വ്യാഴാഴ്ച പന്താവൂർ പുഷ്കാസിൽ വച്ച് നടന്നു.അത്ലറ്റിക്സ് മത്സരങ്ങൾ മുക്കുതല സ്കൂളിൽ 14 നും, ഓഫ് സ്റ്റേജ് മത്സരങ്ങൾ ചിയ്യാനൂർ സ്കൂളിലും,സമാപനം കോക്കൂർ സ്കൂളിലും നടക്കും