കടവനാട് ജലോത്സവം ഇത്തവണയും ഗംഭീരമായി നടത്താൻ തീരുമാനം

പൊന്നാനി:ഓണാഘോഷത്തിൻ്റെ ഭാഗമായി ജനകീയ പങ്കാളിത്തത്തോടെ നടത്തുന്ന കടവനാട് ജലോത്സവം ഇത്തവണയും ഗംഭീരമായി നടത്താൻ തീരുമാനമായി. 2023 ലാണ് കടവനാട് ജലോത്സവത്തിന് തുടക്കം കുറിച്ചത്.കഴിഞ്ഞ മൂന്ന് തവണയും നാട്ടുകാരുടെയും സ്പോൺസർമാരുടെയും സഹകരണത്തോടെയാണ് ജലോത്സവം വൻ വിജയമാക്കിയത്.ഓണാഘോഷത്തിൻ്റെ ഭാഗമായി ഉത്രട്ടാതി നാളിലാണ് കടവനാട് ജലോത്സവം. പരിപാടി വിജയിപ്പിക്കുന്നതിനായി വിപുലമായ സംഘാടക സമിതിക്ക് രൂപം നൽകി. ജിഎഫ് യു പി സ്കൂളിൽ നടന്ന യോഗം കെ പി നൗഷാദലി എംഎൽഎ ഉദ്ഘാടനം ചെയ്തു.നഗരസഭ വൈസ് ചെയർപേഴ്സൺ സി പി സക്കീർ അധ്യക്ഷനായി.മാറഞ്ചേരി പഞ്ചായത്ത് പ്രസിഡൻ്റ് ടി ശ്രീജിത്ത്, മാറഞ്ചേരി പഞ്ചായത്ത് വൈസ് പ്രസിഡൻ്റ് ഖദീജ മൂത്തേടത്ത്,കൗൺസിലർമാരായ മിനിത പ്രദീപ്, എം വി പ്രകാശൻ, ശരണ്യ, ടി കെ അഷ്റഫ്, ജമാൽ മഞ്ചേരി , പി വി അയ്യൂബ്, പുന്നക്കൽ സുരേഷ് എന്നിവർ സംസാരിച്ചു, പി എ സജീഷ് സ്വാഗതവും അനീഷ് പള്ളിക്കര നന്ദിയും പറഞ്ഞു.സംഘാടക സമിതി ചെയർമാനായി നഗരസഭ ചെയർപേഴ്സൺ സി വി സുധയെയും കൺവീനറായി പി വി അയ്യൂബിനെയും തിരഞ്ഞെടുത്തു.