ഓപ്പറേഷൻ തൂഫാൻ ഐക്യദാർഢ്യവുമായി പാവിട്ടപ്പുറത്ത് റാലിയും ബോധവൽക്കരണവും നടത്തി

ചങ്ങരംകുളം :പവിട്ടപ്പുറം അസബാഹ് ഹയർ സെക്കൻഡറി സ്കൂളിലെ സൗഹൃദ ക്ലബ്ബ് യൂണിറ്റിന്റെ ആഭിമുഖ്യത്തിൽ ലഹരിമുക്ത കേരളത്തിനായുള്ള സംസ്ഥാന സർക്കാരിൻ്റെ ഒപ്പറേഷൻ തൂഫാൻ പദ്ധതിക്ക് ഐക്യദാർഢ്യം പ്രഖ്യാപിച്ച് പാവിട്ടപ്പുറത്ത് നടന്ന റാലി ആവേശമായി.സമൂഹത്തിൽ വർദ്ധിച്ചുവരുന്ന ലഹരി ഉപയോഗങ്ങൾക്കെതിരെ പാവിട്ടപ്പുറത്ത് സ്കൂൾ സൗഹൃദ കുബ്ബിൻ്റെ നേതൃത്വത്തിൽ നടന്നബോധവൽക്കരണ പരിപാടി ചങ്ങരംകുളം പോലീസ് സ്‌റ്റേഷൻ എസ് ഐ കെ. ആർ ബിനു ഉദ്ഘടനം ചെയ്തു.എ എസ് ഐ കെ ഹരിനാരായണൻ പൊതുജനങ്ങൾക്കും വിദ്യാർത്ഥികൾക്കുമായി ബോധവൽക്കരണ ക്ലാസെടുക്കുകയും ചെയ്തു .തുടർന്ന് പാവിട്ടപ്പുറം സെൻ്ററിൽനടന്ന റാലി എസ് ഐ
കെ. ആർ ബിനു ഫ്ലാഗ് ഓഫ് ചെയ്തു.പ്രിൻസിപ്പാൾ വില്ലിംഗ്ടൺ പി.വി സ്വാഗതവും സൗഹൃദ കോർഡിനേറ്റർ റംല കെ,നന്ദിയും പറഞ്ഞു.അധ്യാപകരായ സുരേഷ്ബാബു കെ. എം ,സുവിത കെ , സജ്ന എസ് ,അബ്ദുൾലത്തീഫ് സി. എം ,അനിൽ കെ , ക്രിസ്റ്റിന ജോർജ്, ഷാഹിദ വി.വി ,അഹമ്മദ് പറയങ്ങാട്ടിൽ, അലി പി.ബി
എന്നിവർ സംസാരിച്ചു