വായനാശീലം വിദ്യാർത്ഥികളിൽ അറിവും ആത്മവിശ്വാസവും വളർത്തുന്നു: ഋഷിരാജ് സിംഗ് ഐപിഎസ്

പടിഞ്ഞാറങ്ങാടി:വായന ശീലമാക്കുന്നതിലൂടെ വിദ്യാർത്ഥികളുടെ അറിവും ആത്മവിശ്വാസവും വർദ്ധിക്കുമെന്ന് മുൻ ഡിജിപി ഋഷിരാജ് സിംഗ് ഐപിഎസ് അഭിപ്രായപ്പെട്ടു..പടിഞ്ഞാറങ്ങാടി എസ്.എ വേൾഡ് സ്കൂളിൽ നടന്ന സി.ബി.എസ്.ഇ പത്താം ക്ലാസ് പരീക്ഷയിലും സമസ്ത പെതുപരീക്ഷയിലും ഉന്നത വിജയം കൈവരിച്ച വിദ്യാർത്ഥികളെ അനുമോദിക്കുന്ന ‘മെറിറ്റിവ് 2026’ചടങ്ങിൽ മുഖ്യാതിഥിയായി സംസാരിക്കുകയായിരുന്നു അദ്ദേഹം.വിജയികളായ വിദ്യാർത്ഥികൾക്കുള്ള ഉപഹാരങ്ങൾ ഋഷിരാജ് സിംഗ് ചടങ്ങിൽ വെച്ച് സമ്മാനിച്ചു. അയ്യൂബി എജുസിറ്റി വൈസ് പ്രസിഡന്റ് അബ്ദുൽ റസാഖ് സഅദി ചടങ്ങിൽ അധ്യക്ഷത വഹിച്ചു. സ്കൂൾ പ്രിൻസിപ്പൽ വി.ടി സിദ്ധീഖ് സ്വാഗതം ആശംസിച്ചു.ചടങ്ങിൽ അയ്യൂബി എജുസിറ്റി പ്രസിഡന്റ് ഒറവിൽ ഹൈദർ മുസ്ലിയാർ ,ജനറൽ സെക്രട്ടറി സി.അബ്ദുൽ കബീർ അഹ്സനി, ജോയിന്റ് സെക്രട്ടറി സി.സൈതലി ഹാജി പറക്കുളം, എസ്.എ വേൾഡ് സ്കൂൾ സമിതി ചെയർമാൻ ഫാഹിദ് റഹ്മാൻ ഒറവിൽ, സമിതി കൺവീനർ നവാസ് കൂറ്റനാട്, അയ്യൂബി കമ്മറ്റി അംഗം കോയ ഹാജി തുടങ്ങിയവർ സംസാരിച്ചു. സ്കൂൾ അഡ്മിൻ ഷംഫീൽ പി.എസ് ചടങ്ങിന് നന്ദി രേഖപ്പെടുത്തി.