തൃശൂർ ചാവക്കാട് താലൂക്കാശുപത്രിയിൽ പ്രസവിച്ച യുവതിയുടെ ശരീരത്തിനുള്ളിൽ പഞ്ഞി കണ്ടെത്തിയ സംഭവത്തിൽ ഡോക്ടർക്കെതിരെ കേസെടുത്ത് പൊലീസ്. ആശുപത്രിയിലെ ഗൈനക്കോളജിസ്റ്റ് ഡോ. ടിറ്റോ ടോമിനെ പ്രതിചേർത്താണ് കേസെടുത്തിരിക്കുന്നത്. വൈദ്യശാസ്ത്രപരമായ അശ്രദ്ധ വരുത്തിയെന്ന വകുപ്പു ചുമത്തിയാണ് കേസെടുത്തിട്ടുള്ളത്.ഗുരുവായൂർ എസിപിയാണ് കേസിൽ അന്വേഷണം നടത്തുക. ചാവക്കാട് സ്വദേശിനി ഫാത്തിമത്തുൽ ഷറഫിയയുടെ പരാതിയിലാണ് നടപടി. ഓഗസ്റ്റ് 18ന് പ്രസവിച്ച യുവതിയുടെ ശരീരത്തിൽ പഞ്ഞി കണ്ടെത്തിയെന്നായിരുന്നു പരാതി. ശസ്ത്രക്രിയയ്ക്ക് ശേഷം കടുത്ത വയറുവേദന അനുഭവപ്പെട്ടതിനെ തുടർന്ന് യുവതി മൂന്ന് തവണ ആശുപത്രിയിൽ ചികിത്സ തേടിയെത്തി. എന്നാൽ ഓരോ തവണയും മതിയായ പരിശോധനകൾ നടത്താതെ മടക്കി അയച്ചു. പിന്നീട് നടത്തിയ സ്കാനിങ്ങിലാണ് വയറിനുള്ളിൽ പഞ്ഞി കണ്ടെത്തുകയായിരുന്നു. തുടർന്ന് ശസ്ത്രക്രിയയിലൂടെ പഞ്ഞി പുറത്തെടുത്തു. പ്രസവ ശസ്ത്രക്രിയ കഴിഞ്ഞ് 43-ാം ദിവസമാണ് പഞ്ഞി പുറത്തെടുത്തത്.
സംഭവത്തിൽ ആശുപത്രി സൂപ്രണ്ടിനോടും ബന്ധപ്പെട്ട ഡോക്ടറോടും പരാതി അറിയിച്ചപ്പോൾ പിഴവ് നഴ്സുമാരുടെ ഭാഗത്തുനിന്നാണെന്ന് പറഞ്ഞ് ഉത്തരവാദിത്തത്തിൽ നിന്ന് ഒഴിഞ്ഞുമാറിയെന്നും യുവതി ആരോപിച്ചിരുന്നു. യു ഡി എഫ് സർക്കാർ അധികാരത്തിലേറിയ ശേഷം ചികിത്സാപ്പിഴവ് ഒരു തുരർക്കഥ ആയിരിക്കുകയാണ്.
