പെരുമുക്കിൽ ആവേശം വിതറി ഫിഫ ഷൂട്ട് ഔട്ട് മത്സരം;പെരുമുക്ക് എഎംഎല്‍പി സ്കൂളിൽ കായികാവേശം

ചങ്ങരംകുളം:ലോകകപ്പ് ഫുട്ബോൾ ആവേശത്തിന്റെ പശ്ചാത്തലത്തിൽ പെരുമുക്ക് എഎംഎല്‍പി സ്കൂളിൽ വിദ്യാർത്ഥികൾക്കായി സംഘടിപ്പിച്ച ‘ഫിഫ ഷൂട്ട് ഔട്ട്’ മത്സരം ശ്രദ്ധേയമായി.കുട്ടികളിൽ കായികപരമായ താല്പര്യവും ഒത്തൊരുമയും വളർത്തുക എന്ന ലക്ഷ്യത്തോടെയാണ് സ്കൂൾ അധികൃതരും അധ്യാപകരും ചേർന്ന് ഈ കായികമാമാങ്കം ഒരുക്കിയത്. വാർഡ് മെമ്പർ ഫൗസിയ കെ. വി മത്സരത്തിന്റെ ഔപചാരികമായ ഉദ്ഘാടനം നിർവ്വഹിച്ചു.ചടങ്ങിൽവെച്ച് ഫുട്ബോൾ പ്രതിഭകൾക്കായി BRANDS APPARELS , CHANGARAMKULAM സ്പോൺസർ ചെയ്ത ഫുട്മ്പോൾ വാർഡ് മെമ്പർ ഫൗസിയ . കെ വി സമ്മാനിച്ചു.തങ്ങൾക്ക് സമ്മാനമായി ലഭിച്ച പുതിയ പന്തുമായി കുട്ടികൾ വലിയ ആവേശത്തോടെയാണ് മത്സരക്കളത്തിലേക്ക് ഇറങ്ങിയത്.ആവേശം നിറച്ച പെനാൽറ്റി ഷൂട്ടൗട്ട്; കൈയടി നേടി ഫാൻസ് അസോസിയേഷനുകൾ
വിവിധ ടീമുകളായി തിരിഞ്ഞ് കുട്ടികൾ നടത്തിയ പെനാൽറ്റി ഷൂട്ടൗട്ട് മത്സരം കാണികളിൽ ഏറെ ആവേശം ഉണർത്തി.ഓരോ കിക്കുകളിലും ഗോൾ നേട്ടങ്ങളിലും മൈതാനം കുട്ടികളുടെ കൈയടികളാലും ആർപ്പുവിളികളാലും മുഖരിതമായി.പ്രിയപ്പെട്ട ടീമുകളുടെ ജേഴ്സിയണിഞ്ഞ് എത്തിയ കുട്ടികൾ മത്സരം ലോകകപ്പ് വേദിക്ക് സമാനമാക്കി മാറ്റി.ഈ കായിക മേള വൻ വിജയമാക്കുന്നതിൽ നാട്ടിലെ പ്രമുഖ ഫാൻസ് കൂട്ടായ്മകളായ ബ്രസീൽ ഫാൻസ് പെരുമുക്ക് (BRAZIL FANS PERUMUKKU), അർജന്റീന ഫാൻസ് പെരുമുക്ക് (ARGENTINA FANS PERUMUKKU), പോർച്ചുഗൽ ഫാൻസ് പെരുമുക്ക് (PORTUGAL FANS PERUMUKKU) എന്നിവർ നൽകിയ അകമഴിഞ്ഞ പിന്തുണയും സഹകരണവും ഏറെ പ്രശംസ പിടിച്ചുപറ്റി.പരിപാടിയുടെ വിജയത്തിനായി സജീവമായി രംഗത്തുണ്ടായിരുന്ന ഈ മൂന്ന് ഫാൻസ് ഗ്രൂപ്പുകൾക്കും സ്കൂൾ അധികൃതർ പ്രത്യേക നന്ദി രേഖപ്പെടുത്തി.സ്കൂൾ പ്രധാനാധ്യാപിക ശാരി എ, മറ്റ് അധ്യാപകർ, പി.ടി.എ ഭാരവാഹികൾ എന്നിവർ ചടങ്ങിൽ സംബന്ധിക്കുകയും കുട്ടികൾക്ക് പ്രോത്സാഹനമേകുകയും ചെയ്തു. വരും ദിവസങ്ങളിലും കുട്ടികളുടെ ശാരീരിക-മാനസിക വളർച്ചയ്ക്ക് സഹായിക്കുന്ന ഇത്തരം വൈവിധ്യമാർന്ന കായിക പരിപാടികൾ സ്കൂളിൽ തുടർന്നു സംഘടിപ്പിക്കുമെന്ന് സ്കൂൾ അധികൃതർ അറിയിച്ചു.