അക്ഷരമുറ്റത്തേക്ക് ചുവടുവെക്കുന്ന കുരുന്നുകൾക്ക് കൈത്താങ്ങായി രാജീവ്‌ ജി ഭവൻ;പഠനോപകരണങ്ങൾ വിതരണം ചെയ്തു

​ചങ്ങരംകുളം:അക്ഷരമുറ്റത്തേക്ക് ആദ്യമായി ചുവടുവെക്കുന്ന ചേലക്കടവ് അങ്കണവാടിയിലെ കുരുന്നുകൾക്ക് കൈത്താങ്ങുമായി രാജീവ്‌ ജി ഭവൻ.പുതിയ അധ്യയന വർഷത്തോടനുബന്ധിച്ച് കുട്ടികൾക്കാവശ്യമായ പഠനോപകരണങ്ങൾ രാജീവ്‌ ജി ഭവന്റെ നേതൃത്വത്തിൽ വിതരണം ചെയ്തു.അങ്കണവാടിയിൽ വെച്ച് നടന്ന ചടങ്ങിൽ വാർഡ് മെമ്പർ രമേശ്‌ ചേലക്കടവ് പഠനോപകരണ വിതരണത്തിന്റെ ഉദ്ഘാടന കർമ്മം നിർവ്വഹിച്ചു.ഫൈസൽ കെ. വി അധ്യക്ഷത വഹിച്ച ചടങ്ങിൽ ടി. വി റഹീം സ്വാഗതം ആശംസിച്ചു.കുരുന്നുകൾക്ക് ആശംസകൾ നേർന്നുകൊണ്ട് റാഷിദ്‌ എം. വി, കാദർ എ. വി എന്നിവർ സംസാരിച്ചു. ചടങ്ങിന് അങ്കണവാടി അധ്യാപിക ഷീന ടീച്ചർ നന്ദി രേഖപ്പെടുത്തി.കുട്ടികളും രക്ഷിതാക്കളും ഉൾപ്പെടെ നിരവധി പേർ ചടങ്ങിൽ പങ്കെടുത്തു.