പ്രിയദർശിനി സൗജന്യ യാത്ര പൊന്നാനിയിൽ കെ പി നൗഷാദ് അലി എംഎൽഎ ഉദ്ഘാടനം ചെയ്തു

പൊന്നാനി: സംസ്ഥാന സർക്കാരിന്റെ അഞ്ചിന ഇന്ദിരാഗാന്ധി പദ്ധതിയുടെ ഭാഗമായി സ്ത്രീകൾക്കും,ട്രാൻസ്ജെൻഡേഴ്സിനും വേണ്ടി കെഎസ്ആർടിസി ബസ്സിലെ പ്രിയദർശിനി സൗജന്യ യാത്രയുടെ പൊന്നാനി താലൂക്ക് തല ഉദ്ഘാടനം കെ പി നൗഷാദലി എംഎൽഎ നിർവഹിച്ചു.യുഡിഎഫ് സർക്കാർ പ്രഖ്യാപിച്ച വികസന പദ്ധതികളെല്ലാം സമയബന്ധിതമായി നടപ്പിലാക്കുമെന്നും,മുഴുവൻ ജനപ്രതിനിധികളുടെയും, ജനങ്ങളുടെയും സഹകരണം ആവശ്യമാണെന്നും എംഎൽഎ ഉദ്ഘാടന പ്രസംഗത്തിൽ പറഞ്ഞു.സർക്കാരിൻ്റെ ഔദ്യോഗിക വികസന പരിപാടിയായ സൗജന്യ യാത്രയുടെ അധ്യക്ഷ പരിപാടിയിൽ നിന്നും വിട്ടുനിന്ന പൊന്നാനി നഗരസഭ അധ്യക്ഷയുടെ തീരുമാനം ശരിയായില്ലെന്നും അഭിപ്രായം വന്നു.പെരുമ്പടപ്പ് ബ്ലോക്ക് പഞ്ചായത്ത് പ്രസിഡണ്ട് റമീന ഇസ്മയിൽ അധ്യക്ഷ വഹിച്ചു. ജില്ലാ ട്രാൻസ്പോർട്ട് ഓഫീസർ കെ പി രാധാകൃഷ്ണൻ,നഗരസഭ പ്രതിപക്ഷ നേതാവ് ടി കെ അഷറഫ്, അഷറഫ് കോക്കൂർ,നന്നംമുക്ക്, ആലങ്കോട്,പെരുമ്പടപ്പ്, മാറഞ്ചേരി പഞ്ചായത്ത് പ്രസിഡണ്ടുമാർ, വിവിധ രാഷ്ട്രീയ പാർട്ടി പ്രതിനിധികൾ, ജനപ്രതിനിധികൾ എന്നിവർ പങ്കെടുത്തു സംസാരിച്ചു.