ചങ്ങരംകുളം:സ്നേഹവും സൗഹൃദവും കൊണ്ട് ഏവരുടെയും ഹൃദയം കീഴടക്കിയ വ്യക്തിത്വത്തിന്റെ ഉടമയായിരുന്നു പള്ളിക്കര മഹല്ല് ജനറൽ സെക്രട്ടറിയും പൊന്നാനി മണ്ഡലം മുസ്ലിം ലീഗ് ജനറൽ സെക്രട്ടറിയുമായിരുന്ന സി. എം. യൂസഫ് എന്ന് കോക്കൂർ റൈഞ്ച് ജംഇയ്യത്തുൽ മുഅല്ലിമീൻ പ്രസിഡന്റ് അബ്ദുൽ ഖാദർ ഫൈസി തലക്കശ്ശേരി പറഞ്ഞു.
പള്ളിക്കര മഹല്ല് കമ്മിറ്റിയുടെ നേതൃത്വത്തിൽ സംഘടിപ്പിച്ച സി. എം. യൂസഫിന്റെ അനുസ്മരണ-പ്രാർത്ഥനാ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.ജീവകാരുണ്യ പ്രവർത്തനങ്ങൾക്കും മഹല്ലിന്റെ കെട്ടുറപ്പിനും സാമൂഹിക മുന്നേറ്റത്തിനുമായി മുഴുസമയവും കർമ്മനിരതനായി പ്രവർത്തിച്ച വ്യക്തിയായിരുന്നു സി. എം. യൂസഫെന്ന് അദ്ദേഹം അനുസ്മരിച്ചു.ചടങ്ങിൽ മഹല്ല് പ്രസിഡന്റ് എം.വി. അബ്ദുൽ റഷീദ് അധ്യക്ഷത വഹിച്ചു.വി. പി. ഉമ്മർ,അഹ്മദുണ്ണി ഹാജി, വി. പി. അബ്ദുൽ ജബ്ബാർ ഹാജി, കെ. സി. അലി, സിദ്ദീഖ് മൗലവി എടയൂർ, ആസിഫ് ഹുദവി,കെ.വി.മുഹമ്മദ് ഫാറൂഖി, മോനുട്ടി, അബ്ദുട്ടി തെക്കുമുറി, യാസിഫ് പള്ളിക്കര,സി.എം.സൈനുദ്ദീൻ എന്നിവർ അനുസ്മരണ പ്രഭാഷണങ്ങൾ നടത്തി.
