പഴഞ്ഞി അഞ്ഞൂരിൽ ബൈക്കപകടത്തിൽ പരിക്കേറ്റ കാട്ടകാമ്പാൽ സ്വദേശി മരിച്ചു

പഴഞ്ഞി: പള്ളിക്ക് സമീപം മങ്ങാട് മൂലയിൽ ബൈക്കിടിച്ച് പരിക്കേറ്റ കാട്ടകാമ്പാൽ സ്വദേശി മരണപ്പെട്ടു. കാക്കശ്ശേരി വീട്ടിൽ ബെന്നി (72) ആണ് മരണപ്പെട്ടത്.
റോഡിലൂടെ നടന്നുപോവുകയായിരുന്ന ബെന്നിയെ ബൈക്കിടിച്ച് വീഴ്ത്തുകയായിരുന്നു. അപകടത്തിൽ പഴഞ്ഞി സ്വദേശികളായ അന്തിക്കാട്ട് വീട്ടിൽ അനീഷ് (43), സുനി എന്നിവർക്കും പരിക്കേറ്റിരുന്നു. കുന്നംകുളം അഷ്റഫ് കൂട്ടായ്മ, ചിറക്കൽ ഇഎംഎസ് ആംബുലൻസ് പ്രവർത്തകർ എന്നിവർ ചേർന്ന് പരിക്കേറ്റവരെ ഉടൻ തന്നെ കുന്നംകുളം ദയ റോയൽ ആശുപത്രിയിൽ എത്തിച്ചിരുന്നു. ഗുരുതരമായി പരിക്കേറ്റ ബെന്നി തൃശ്ശൂർ ദയ ആശുപത്രിയിൽ ചികിത്സയിലിരിക്കുകയാണ് മരണം സംഭവിച്ചത്.