അസ്സബാഹ് ആർട്സ് ആൻഡ് സയൻസ് കോളേജില്‍ ബോധവത്കരണ പരിപാടി സംഘടിപ്പിച്ചു

ചങ്ങരംകുളം:വളയംകുളം അസ്സബാഹ് ആർട്സ് ആൻഡ് സയൻസ് കോളേജിലെ കമ്പ്യൂട്ടർ സയൻസ് വിഭാഗവും ഐ.ടി. ക്ലബ്ബും ഉണർവ് കൗൺസിലിംഗ് സെന്ററുമായി സഹകരിച്ച് രക്ഷിതാക്കൾക്കായുള്ള ബോധവത്കരണ പരിപാടി “Navigating the Degree Journey Together” സംഘടിപ്പിച്ചു.ഐ.ക്യു.എ.സി.യുടെ മേൽനോട്ടത്തിൽ നടന്ന പരിപാടിയിൽ നിരവധി രക്ഷിതാക്കൾ പങ്കെടുത്തു.കമ്പ്യൂട്ടർ സയൻസ് വിഭാഗം മേധാവി സാഫിറ ഇ.എം.സ്വാഗതം പറഞ്ഞ ചടങ്ങ് കോളേജ് പ്രിൻസിപ്പൽ ക്യാപ്റ്റൻ പ്രൊഫ. എം.എൻ. മുഹമ്മദ് കോയ ഉദ്ഘാടനം ചെയ്തു.ഡിഗ്രി പഠനകാലത്ത് വിദ്യാർത്ഥികൾ നേരിടുന്ന അക്കാദമിക,മാനസിക, സാമൂഹിക വെല്ലുവിളികളെക്കുറിച്ചും ഈ ഘട്ടത്തിൽ രക്ഷിതാക്കളുടെ സഹകരണവും പ്രോത്സാഹനവും എത്രമാത്രം പ്രധാനമാണെന്നും അദ്ദേഹം ചൂണ്ടിക്കാട്ടി.ഉണർവ് കൗൺസിലിംഗ് സെന്ററിലെ സൈക്കോളജിസ്റ്റ് അഫീഫ എം.കെ. ബോധവത്കരണ ക്ലാസിന് നേതൃത്വം നൽകി.വിദ്യാർത്ഥികളുടെ മാനസികാരോഗ്യം, പഠനസമ്മർദ്ദം,ഡിജിറ്റൽ കാലഘട്ടം സൃഷ്ടിക്കുന്ന വെല്ലുവിളികൾ,രക്ഷിതാക്കളും മക്കളും തമ്മിലുള്ള തുറന്ന ആശയവിനിമയത്തിന്റെ പ്രാധാന്യം തുടങ്ങിയ വിഷയങ്ങൾ അവർ വിശദമായി അവതരിപ്പിച്ചു.അധ്യാപിക ഫാഹിന മിസ് ആശംസകൾ അർപ്പിച്ചു,ഷഹനാസ് മിസ് നന്ദി രേഖപ്പെടുത്തി.