ആലപ്പുഴയിൽ രണ്ട് വാഹനാപകടങ്ങളിൽ മൂന്ന് പേർക്ക് ദാരുണാന്ത്യം

ആലപ്പുഴയിൽ രണ്ട് വാഹനാപകടങ്ങളിലായി മൂന്ന് പേർക്ക് ദാരുണാന്ത്യം. പഴവീട്ടിലും പക്കി ജങ്ഷനിലുമായി നടന്ന അപകടങ്ങളിൽ മുഹമ്മ പാന്തേഴം സ്വദേശി സുധീഷ് (35), കൈനകരി സ്വദേശികളായ ഡാനിയേൽ ജോൺ(54), ജോമോൻ(45) എന്നിവരാണ് മരിച്ചത്. പഴവീട്ടിൽ തട്ടുകടയിൽ ചായ കുടിച്ചു നിൽക്കുമ്പോളായിരുന്നു നിയന്ത്രണം വിട്ട കാറിടിച്ച് സുധീഷ് മരിക്കുന്നത്. സംഭവ സ്ഥലത്ത് വെച്ച് തന്നെ സുധീഷ് മരിക്കുകയായിരുന്നു. നിയന്ത്രണം നഷ്ടമായ കാർ സ്കൂട്ടറിലും ബൈക്കിലും ഇടിച്ച ശേഷമാണ് യുവാവിന്റെ ദേഹത്തേക്ക് പാഞ്ഞു കയറിയത്.
ആലപ്പുഴ-ചങ്ങനാശ്ശേരി എ.സി റോഡിൽ പക്കി ജംഗ്ഷനിൽ കാർ ബൈക്കിൽ ഇടിച്ചാണ് രണ്ട് പേർ മരിച്ചത്. റോഡിൽ തെന്നി വീണ് ബൈക്കിന് മുകളിലേക്ക് കാർ ഇടിച്ചുകയറുകയായിരുന്നു. മരിച്ച രണ്ടു പേരും ബന്ധുക്കളായിരുന്നു. അപകടത്തിന് തൊട്ടുമുൻ കനത്ത മഴയായിരുന്നു അനുഭവപ്പെട്ടിരുന്നത്.