​പെരുമുക്ക് എ.എം.എൽ.പി സ്കൂളിൽ പ്രവേശനോത്സവം ഹർഷാരവങ്ങളോടെ ആഘോഷിച്ചു

​ചങ്ങരംകുളം: പുതിയ അധ്യയന വർഷത്തെ വരവേറ്റുകൊണ്ട് പെരുമുക്ക് എ.എം.എ.ൽ.പി സ്കൂളിൽ വിപുലമായ പരിപാടികളോടെ പ്രവേശനോത്സവം സംഘടിപ്പിച്ചു.വർണ്ണാഭമായ ബലൂണുകളും പുഞ്ചിരിക്കുന്ന മുഖങ്ങളുമായി ഒട്ടനവധി കൊച്ചുകൂട്ടുകാരാണ് വിദ്യാലയ മുറ്റത്തേക്ക് ആദ്യമായി ചുവടുവെച്ചെത്തിയത്.​വിദ്യാലയ ഹാളിൽ നടന്ന പ്രവേശനോത്സവ ചടങ്ങിൽ സ്കൂൾ പ്രധാനാധ്യാപിക ശാരി എ സ്വാഗതം ആശംസിച്ചു.തുടർന്ന് മലപ്പുറം ജില്ലാ പഞ്ചായത്ത് മെമ്പർ അഷ്‌ഹർ പെരുമുക്ക് പരിപാടിയുടെ ഔദ്യോഗിക ഉദ്ഘാടനം നിർവ്വഹിച്ചു.വിദ്യാർത്ഥികൾക്ക് ഗുണനിലവാരമുള്ള വിദ്യാഭ്യാസവും മികച്ച സാഹചര്യങ്ങളും ഉറപ്പാക്കേണ്ടതിന്റെ പ്രാധാന്യത്തെക്കുറിച്ച്അഷ്ഹര്‍ ഉദ്ഘാടന പ്രസംഗത്തിൽ ഓർമ്മിപ്പിച്ചു.​വാർഡ് മെമ്പർ ഫൗസിയ കെ.വി ചടങ്ങിൽ അധ്യക്ഷത വഹിച്ചു.സ്കൂൾ മാനേജർ അബ്ദുൾ ലത്തീഫ്, ബ്ലോക്ക് പഞ്ചായത്ത് മെമ്പർ സജ്‌ന ഫിറോസ്, പി.ടി.എ പ്രസിഡന്റ് വി.വി കരുണാകരൻ എന്നിവർ ആശംസകൾ നേർന്ന് സംസാരിച്ചു.നവാഗതരായ കുട്ടികളെ മധുരപലഹാരങ്ങളും ബലൂണുകളും നൽകിയാണ് സ്വീകരിച്ചത് .