നന്നംമുക്ക് പഞ്ചായത്ത് തല പ്രവേശനോത്സവം മൂക്കുതല ജിഎല്‍പി സ്കൂളില്‍ നടന്നു

ചങ്ങരംകുളം:മൂക്കുതല ജിഎല്‍പി സ്കൂളില്‍ നടന്ന നന്നംമുക്ക് പഞ്ചായത്ത് തല പ്രവേശനോത്സവം പഞ്ചായത്ത് പ്രസിഡന്റ് ശാന്തിനി രവീന്ദ്രൻ ഉദ്ഘാടനം ചെയ്തു. എച്ച്.എം. ഗീത ടീച്ചർ സ്വാഗതം പറഞ്ഞു.ചടങ്ങിൽ വൈസ് പ്രസിഡന്റ് മുഹമ്മദാലി നരണിപ്പുഴ അധ്യക്ഷത വഹിച്ചു.ജില്ലാപഞ്ചായത്ത്‌ മെമ്പർ അഷ്‌ഹർ പെരുമുക്ക്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ബ്ലോക്ക് മെമ്പർമാർ
പഞ്ചായത്ത്മെമ്പർമാർ,സിആര്‍സിസി പൂർവ്വ വിദ്യാർത്ഥി പ്രതിനിധികൾ,നാട്ടുകാർ,അദ്ധ്യാപകർ രക്ഷിതാക്കൾ വിദ്യാർത്ഥികൾ തുടങ്ങിയവർ സന്നിഹിതരായിരുന്നു.കഴിഞ്ഞവർഷത്തെ ഒന്നാം ക്ലാസ്സിലെ കുട്ടികൾ തയ്യാറാക്കിയ കുട്ടി പത്രം ‘മഞ്ചാടി ‘ചടങ്ങിൽ ജില്ല പഞ്ചായത്ത് മെമ്പർ പ്രകാശനം ചെയ്തു.തുടർന്ന് രതീഷ് ആലങ്കോടിന്റെ നേതൃത്വത്തിൽ നാടൻ പാട്ട് അവതരണം നടന്നു.ഉത്സവാന്തരീക്ഷത്തിൽ പ്രൗഡഗംഭീരമായി നടന്ന ചടങ്ങിന് പി ടി എ പ്രസിഡന്റ്‌ രഘു നന്ദി രേഖപ്പെടുത്തി