തിരഞ്ഞെടുപ്പ് വാഗ്ദാനം നിറവേറ്റി വാര്‍ഡ് മെമ്പര്‍’ചിയ്യാനൂര്‍ എഎല്‍പി സ്കൂളിലെ വിദ്യാര്‍ത്ഥികള്‍ക്ക് പഠനോപകരണങ്ങള്‍ വിതരണം ചെയ്തു

ചങ്ങരംകുളം:തദ്ദേശസ്വയംഭരണ സ്ഥാപനങ്ങളിലേക്ക് നടന്ന തിരഞ്ഞെടുപ്പില്‍ ജനങ്ങള്‍ക്ക് നല്‍കിയ വാഗ്ദാനം നിറവേറ്റി വാര്‍ഡ് മെമ്പര്‍.ആലംകോട് പഞ്ചായത്തിലെ എട്ടാം വാര്‍ഡ് മെമ്പര്‍ ഷെമീന മുഹമ്മദ് ആണ് തിരഞ്ഞെടുപ്പ് സമയത്തെ യുഡിഎഫ് വാഗ്ദാനം നടപ്പിലാക്കി വിദ്യാര്‍ത്ഥികള്‍ക്ക് പഠനോപകരങ്ങള്‍ വിതരണം ചെയ്തത്.കെവി മുഹമ്മദ് ട്രസ്റ്റിന്റെ പേരില്‍ ആണ് വിദ്യാര്‍ത്ഥികള്‍ക്ക് ആവശ്യമായ ബാഗ്,നോട്ട് പുസ്തകങ്ങള്‍,സ്നാക്സ് ബോക്സ്,വാട്ടര്‍ബോട്ടില്‍, പേന, പെൻസിൽ അടക്കമുള്ള കിറ്റുകള്‍ വിതരണം ചെയ്തത്.സ്കൂളിലെ 110 ഓളം കുട്ടികള്‍ക്കാണ് സമഗ്ര സ്കൂള്‍ സാമഗ്രികള്‍ അടങ്ങിയ സ്കൂള്‍ കിറ്റ് നല്‍കിയത്.ചിയ്യാനൂര്‍ എഎല്‍പി സ്കൂളില്‍ നടന്ന പ്രവേശനോത്സവ പരിപാടിയില്‍ വച്ച് ആലംകോട് ഗ്രാമപഞ്ചായത്ത് പ്രസിഡണ്ട് ആസിയ ഇബ്രാഹിം പദ്ധതി ഉദ്ഘാടനം ചെയ്തു.വൈസ് പ്രസിഡണ്ട് സുബൈര്‍ ഉദിനുപറമ്പ്,ബ്ളോക്ക് മെമ്പര്‍ ഹസീബ് കോക്കൂര്‍,വാര്‍ഡ് മെമ്പര്‍മാരായ ഷെമീന മുഹമ്മദ്,ഫവാസ് മാളിയേക്കല്‍,വിപിന്‍,സ്കൂള്‍ മാനേജര്‍ മോഹന്‍ദാസ്,മറ്റു അധ്യാപകര്‍, മറ്റു പ്രവര്‍ത്തകരും രക്ഷിതാക്കളും നാട്ടുകാരും പങ്കെടുത്തു.ഷാനവാസ് വട്ടത്തൂര്‍,ഹമീദ് ചിയ്യാനൂര്‍,കാലിദ് ചിയ്യാനൂര്‍,ഷെരീഫ് ചിയ്യാനൂര്‍,ഷെഫീര്‍ ചിയ്യാനൂര്‍, അസ്ലം തിരുനിലത്ത്, ബാദുഷ, ഷാഹിദ് കെവി
എന്നിവര്‍ നേതൃത്വം നല്‍കി