കോളേജ് വിദ്യാർഥികൾ ഓടിച്ച കാർ പാഞ്ഞുകയറി 5 സ്ത്രീകൾക്ക് ദാരുണാന്ത്യം

അമിതവേ​ഗത്തിലെത്തിയ കാർ പാഞ്ഞുകയറി അഞ്ച് സ്ത്രീകൾക്ക് ദാരുണാന്ത്യം. മഹാബലിപുരത്തായിരുന്നു സംഭവം. ആടുകളെ മേയ്ക്കാനെത്തിയ സ്ത്രീകള്‍ റോഡരികില്‍ ഇരിക്കുന്നതിനിടെയായിരുന്നു അപകടം. അമിതവേ​ഗത്തിലെത്തിയ കാർ ഇവർക്കിടയിലേക്ക് പാഞ്ഞുകയറുകയായിരുന്നു. നാല് കോളേജ് വിദ്യാർഥികളാണ് കാറിലുണ്ടായിരുന്നത്. വാഹനമോടിച്ചിരുന്നയാൾ മദ്യലഹരിയിലായിരുന്നുവെന്നാണ് വിവരം. വിദ്യാർഥികളിൽ ഒരാളുടെ പിതാവിന്റെയാണ് കാർ. സംഭവത്തില്‍ അന്വേഷണം ആരംഭിച്ചതായി പൊലീസ് പറഞ്ഞു. കാര്‍ ഓടിച്ചയാളെയും മറ്റൊരു വിദ്യാർഥിയെയും പൊലീസ് കസ്റ്റഡിയിലെടുത്തിട്ടുണ്ട്. മറ്റ് രണ്ടുപേർക്കായി അന്വേഷണം നടക്കുകയാണ്