ഇറാന് മുന്നറിയിപ്പുമായി യുഎസ് പ്രസിഡന്റ് ഡോണള്ഡ് ട്രംപ്. ഇറാന്റെ സമയം അടുത്തുവെന്നാണ് ട്രംപിന്റെ ട്രൂത്ത് സോഷ്യല് പോസ്റ്റ്. ഇറാനെ സംബന്ധിച്ചിടത്തോളം സമയം മിടിക്കുന്നുവെന്നും അവര് വേഗത്തില് നീങ്ങുന്നതാണ് നല്ലതെന്നും ട്രംപിന്റെ ഭീഷണി. തീരുമാനം വേഗത്തില് എടുത്തില്ലെങ്കില് ഒന്നും അവശേഷിപ്പിക്കില്ലെന്നും പോസ്റ്റില് പറയുന്നു.
ഇറാനില് ആണവായുധം പ്രയോഗിക്കുമെന്ന തരത്തിലുള്ള ചിത്രവും ട്രംപ് പങ്കുവച്ചിട്ടുണ്ട്. എഐ നിര്മിത ചിത്രമാണ് ട്രംപ് പങ്കുവച്ചിരിക്കുന്നത്.
അതിവേഗം മുന്നോട്ട് പോവുകയാണെന്ന വലിയ മുന്നറിയിപ്പും ട്രംപ് നല്കുന്നുണ്ട്. ചര്ച്ചകളില് ഉടന് പുരോഗതിയുണ്ടായില്ലെങ്കില് കടുത്ത പ്രത്യാഘാതങ്ങള് നേരിടേണ്ടിവരുമെന്നാണ് ട്രംപ് പറയുന്നത്. അവര് എത്രയും വേഗം ചര്ച്ചകളുമായി മുന്നോട്ട് പോകുന്നതാണ് നല്ലത്. അല്ലെങ്കില് അവശേഷിക്കാന് ഒന്നും കാണില്ല – എന്നാണ് ട്രൂത്ത് സോഷ്യലിലെ ട്രംപിന്റെ പോസ്റ്റ്.
അതേസമയം, റഷ്യ യുക്രെയ്നെതിരെ വന് ആക്രമണം നടത്തി. ഡ്രോണുകളും മിസൈലുകളും ഉപയോഗിച്ചാണ് യുക്രെയ്നില് റഷ്യ ആക്രമണം നടത്തിയത്. ഒഡെസയിലും ഡിനിപ്രോയിലും രാത്രി മുഴുവന് ആക്രമണം നടന്നതായി റിപ്പോര്ട്ട്. കഴിഞ്ഞ ദിവസം മോസ്കോയില് യുക്രെയ്ന് ഡ്രോണാക്രമണം നടത്തിയിരുന്നു. ഇതിന് മറുപടിയായാണ് റഷ്യയുടെ പ്രത്യാക്രമണം
